Na pasiedžańni abmiarkoŭvalisia farmaty ŭdziełu, daty praviadzieńnia asobnych mierapryjemstvaŭ. Asnoŭnymi padziejami sioletniaha śviatkavańnia budzie vuličnaja akcyja i nacyjanalnaja kanfierencyja.

U červieni ź inicyjatyvaju stvareńnia arhkamitetu vystupiła Biełaruskaja Chryścijanskaja Demakratyja. Da inicyjatyvy dałučylisia Małady Front, Pravy Aljans, ruch salidarnaści «Razam».

U subotu, 24 lipienia, a 12:00 na mienskaj siadzibie BNF raspačniecca navukova-praktyčnaja kanfierencyja, u jakoj voźmuć udzieł deputaty sklikańnia Viarchoŭnaha Savieta, jakija prymali tuju Dekłaracyju, a taksama navukoŭcy i hramadskija dziejačy. Aproč vybitnych asobaŭ budzie zaprošana taksama maładoje pakaleńnie biełarusaŭ.

Na pasiedžańni było vyrašana zranku 27 lipienia ŭšanavać pamiać pamierłych, što brali ŭdzieł niezaležnickim ruchu pačatku 90-ch, takich jak Hienadź Karpienka, Jaŭhien Kulik. Čalcy arhkamitetu majuć namier naviedać u hety dzień Paŭnočnyja, Uschodnija i Kalvaryjskija mohiłki. Uviečary zapłanavany abychod płoščaŭ z uskładańniem kvietak.

«Hetaje śviata jość vielmi važnym dla nas, mienavita jano, musić śviatkavacca jak dzień niezaležnaści,« — zaznačyŭ na pasiedžańni akademik Ivan Nikitčanka.

Na dumku arhanizataraŭ, u dvaccatyja ŭhodki abviaščeńnia Dekłaracyi budzie vielmi simvalična, kali siarod udzielnikaŭ vuličnaj akcyi buduć dvaccacihadovyja dziaŭčaty i chłopcy ŭ bieł-čyrvona-biełaj vopratcy.

«My zabylisia šmat z taho, što było ŭ dzievianostych. Treba pamiatać i pra inšyja daty — 25 žniŭnia, naprykład, kali Dekłaracyja niezaležnaści była zamacavana zakanadaŭča. Sioletniaje mierapryjemstva rychtuje hlebu da śviatkavańnia 25 žniŭnia jak Dnia Adradžeńnia ŭ nastupnym hodzie,« — padzialiŭsia dumkami Viačasłaŭ Siŭčyk.

Naprykancy mierapryjemstva mastak Mikoła Kupava nahadaŭ, što 25 lipienia — hadavina śmierci Karatkieviča. Prysutnyja vyrašyli ŭ hety dzień uskłaści kvietki da mahiły piśmieńnika, a 18-aj hadzinie na Uschodnich mohiłkach.

27 lipienia vuličnaje mierapryjemstva pačniecca, a 18:00 na płoščy Jakuba Kołasa. Dalej udzielniki rušać da skvieru Janki Kupały i pomniku Maksimu Bahdanoviču.

27 lipienia jak hałoŭnaje nacyjanalnaje śviata adznačałasia ŭ Biełarusi z 1991 pa 1996 hady. Pieranos Dnia niezaležnaści na 3 lipienia, dzień vyzvaleńnia Minsku ad fašystaŭ, adbyŭsia pa voli Łukašenki.

U druhoj pałovie 90-ch apazicyja praciahvała adznačać 27 lipienia jak Dzień niezaležnaści. Ciapier arhanizatary majuć namier viarnuć staryja tradycyi.

Pa sutnaści Dekłaracyja aznačała padrychtoŭku da vychadu Biełarusi z Savieckaha Sajuza. Jak tolki skłalisia spryjalnyja vonkavyja ŭmovy, 25 žniŭnia 1991 hoda Dekłaracyja nabyła status kanstytucyjnaha zakona.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?