1 vialiki cialačy kumpiak, 6 kh abo bolšy, soli, 200—300 h sałaniny, 200 h masła, 2—3 šklanki ciortaha syru, 2—3 łyžki śmiatany, 2—3 pryharščy drobnaj cybulki, kropu i zialonaj piatruški, 4—5 sucharykaŭ.
Kumpiak dobra ŭkormlenaha cialaci pasalić ź viečara, zašyć u čystuju survetu abo inšaje pałatno i zakapać u aharodnuju ziamlu na hłybiniu ŭ łokać. Nazaŭtra zrańnia, paśla 12 hadzinaŭ lažańnia ŭ ziamli, adkapać i vyniać z pałatna, ale nie abmyvać.
Bieły viaskovy syr, nie vielmi śviežy i nie vielmi tłusty, nacierci na tarcy u kolkaści, jakaja adpaviadaje patrebie, dadać śmiatanu, drobnuju cybulku krop, zialonuju piatrušku i zrabić z hetaha hustuju masu.
Kumpiakom vialikim nažom razrezać až da kostki ŭ dvuch miescach (jak by na 3 ahromnistyja kavałki). Pryhatavanaj syrnaj masaj husta našmaravać zrezy miasa, zaščapić ich krai biarozavymi štyftami, kab usia častka vyhladała cełym kavałkam i nie raspadałasia, kali pry smažańni na ražnie miasa buduć paviartać. Uvieś kavałak našpihavać sałaninaj.
Uździeć miasa na ražon i smažyć, palivajučy masłam i soŭsam, jaki budzie vyciakać ź miasa. Pry padačy vyniać biarozavyja štyfty i pasypać ciortym chlebam.
Z knihi V. Zavadskaj «Litoŭskaja kucharka», 1854 h.
Padrychtavała NB
