U Omskaj vobłaści ŭ pialmieniach znajšli sibirskuju jazvu 3

U Omskaj vobłaści i Chanty-Mansijskaj aŭtanomnaj akruzie ŭ pialmieniach «Osobiennyje» (pradukcyja TAA «Darina») znojdzienaja sibirskaja jazva.

«Da nas pastupili vyniki łabaratornaha daśledavańnia adnaho z uzoraŭ pradukcyi TAA „Darina“. Jak adznačana ŭ pratakole łabaratornaha daśledavańnia, u probach pialmieniaŭ „Osobiennyje“ vytvorčaści TAA „Darina“ (data vypracoŭki 20.07.2010) vydzielenaja kultura ŭzbudžalnika sibirskaj jazvy. Daśledavańnie inšych probaŭ praciahvajecca», — raskazali va ŭpraŭleńni Rasspažyŭnahlada pa Omskaj vobłaści.

U abłasny Rasspažyŭnahlad taksama pastupili dadzienyja łabaratornych daśledavańniaŭ upraŭleńnia vieterynaryi Chanty-Mansijskaj aŭtanomnaj akruhi. Pavodle papiarednich dadzienych, proby pialmieniaŭ «Osobiennyje» (data vypracoŭki 31.07.2010) stanoŭčyja na sibirskuju jazvu.

«Uličvajučy situacyju, upraŭleńniem Rasspažyŭnahlada pa Omskaj vobłaści byŭ vydadzieny zahad TAA „Darina“ ab viartańni z handlovaj sietki miasnych paŭfabrykataŭ, vypracavanych u pieryjad z 13 lipienia pa 11 žniŭnia», — zajavili ŭ pres-słužbie ŭpraŭleńnia.

0

0

0

0

0

0

LifeNews

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH