Aktyvist kampanii «Havary praŭdu» padazrajecca ŭ padrobcy dakumentaŭ dla atrymańnia kredytu.

16 žniŭnia Bašuru pradjaŭlena abvinavačańnie pa častcy 1 i 2 artykułu 380 Kryminalnaha kodeksu «Padrobka, vyrab, vykarystańnie albo zbyt padrobnych dakumentaŭ, štampaŭ, piačatkaŭ, blankaŭ».

Dva hady tamu, vystupajučy daručnikam žonki, jakaja brała kredyt, Bašura nibyta pradstaviŭ daviedku ab zarobku, u jakoj byli zavyšanyja dachody.

Bašura byŭ zatrymany 7 žniŭnia na svajoj kvatery i ciapier znachodzicca ŭ turmie na Akreścinie. Spravu viadzie milicyja Savieckaha rajona Miensku. Jak paviedamiła advakat Bašury Tamara Sidarenka, ciapier štodnia viaducca aktyŭna śledčyja dziejańni.

U kampanii «Havary praŭdu» źviazvajuć pieraśled Michasia Bašury ź jahonaj aktyŭnaściu ŭ hetaj kampanii.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?