Jon jechaŭ z Maskvy ŭ Miensk na chutkaści 140 km/h. Niahledziačy na śpiecsupravadžeńnie, jaho spyniła darožnaja milicyja. Palityčny sihnał?

U Padmaskoŭi supracoŭniki darožnaj milicyi 16 žniŭnia za pieravyšeńnie chutkaści zatrymali džyp Toyota Land Cruiser, paviedamlaje sajt horada Dałhaprudnaha, dzie adbyŭsia incydent. Aŭtamabil naležaŭ hienierał-pałkoŭniku Viktaru Šejmanu, pamočniku prezidenta Biełarusi pa śpiecyjalnych daručeńniach. Jon ža znachodziŭsia ŭ mašynie.

Aŭtamabil viartaŭsia z Maskvy z chutkaściu 140 kiłamietraŭ u hadzinu i navat vyjechaŭ na sustrečnuju pałasu. Biełaruskaha čynoŭnika peŭny čas supravadžaŭ milicejski kartež. Potym pa ŭsich pastach prosta pieradali infarmacyju, kab aŭtamabil Šejmana nie čapali. Ale milicyjanty na 131-m kiłamietry šašy Maskva—Minsk čamuści pra heta nie viedali.

U Administracyi prezidenta kamientavać vypadak admovilisia. «My kamientujem tolki infarmacyju, źviazanuju z kiraŭnikom krainy», — paviedamiŭ supracoŭnik pres-słužby Administracyi ŭ razmovie z karespandentam «NN».

Adkul jechaŭ pamočnik prezidenta pa śpiecyjalnych daručeńniach? Čamu infarmacyju ab praviercy dakumientaŭ daišnikami tonka vypuścili ŭ ŚMI? Z ulikam taho, što adnosiny naminalnych sajuźnicaŭ apošnim časam abvastrylisia dazvańnia, sprava vyhladaje jak palityčny sihnał Maskvy Minsku.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?