U Asipovickaj centralnaj rajonnaj balnicy ŭ 20 hadzin 16 žniŭnia pamior čatyrochhadovy chłopčyk, jaki za dźvie hadziny da taho vypaŭ z akna kvatery baćkoŭ, što na piatym paviersie.

Jak paviedamili ŭ adździaleńni infarmacyi i hramadskich suviaziaŭ UUS Mahiloŭskaha abłvykankama, niaščasny vypadak zdaryŭsia na vulicy Sumčanki ŭ rajcentry. Ciapier viadoma, što dzicia nieadnarazova załaziła na padakońnik i stajała kala adčynienaha akna z supraćmaskitnaj sietkaj, i heta nie vyklikała tryvohi baćkoŭ. Na hety raz chłopčyk, vidać, mocna abapiorsia na sietku i vypaŭ ź joj z akna. Jaho maci ŭ hety momant znachodziłasia ŭ hetym ža pakoi. Pa hetym fakcie pravodzicca pravierka.

Jašče adzin niaščasny vypadak ź dziciem zdaryŭsia ŭ Čerykaŭskim rajonie Mahiloŭskaj vobłaści. U centralnuju rajbalnicu bryhadaj chutkaj miedycynskaj dapamohi sa svajho doma ŭ vioscy Jaziory z atručeńniem jadachimikatami byŭ dastaŭleny i špitalavany dvuchhadovy chłopčyk. Doma jon vypiŭ srodak dla źniščeńnia kałaradskaha žuka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?