Adnaŭleńnie adzinstva Rasii, Ukrainy i Biełarusi budzie vyhadnym dla ekanomiki hetych dziaržaŭ i dazvolić im paśpiachova kankuravać z raźvitymi krainami. Takoje mierkavańnie vykazaŭ lider Kamunistyčnaj partyi Rasijskaj Fiederacyi Hienadź Ziuhanaŭ 17 žniŭnia na pres-kanfierencyi ŭ Simfieropali.

«U Rasii zastałosia 140 miljonaŭ nasielnictva, va Ukrainie — 45 miljonaŭ, jašče Biełaruś, — cytuje palityka RIA Novosti. — Kali my składajem patencyjały — my kankurenty, my ŭ stanie być subjektami suśvietnaj historyi.
Tamu ja nastojliva zaklikaŭ i zaklikaju rasijskija, ukrainskija, biełaruskija ŭłady zrabić usio, kab zraścić razarvanyja vuzły i sasudy».

Ziuhanaŭ padkreśliŭ, što abjadnańnie i ŭzajemadziejańnie Rasii, Ukrainy i Biełarusi dla jaho — «hałoŭnaja stratehičnaja zadača».

Lider KPRF ličyć raspad Savieckaha Sajuza «ahulnaj trahiedyjaj ruskaha, ukrainskaha i biełaruskaha narodaŭ». «Raździaleńnie, jakoje tady adbyłosia, nienarmalnaje, amaralnaje, anamalnaje, a šmat u čym złačynnaje. My za toj razvał usie płacim žudasnuju, strašnuju daninu», — zajaviŭ Ziuhanaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?