Hamialčanka atrymała apioki 90% cieła, upaŭšy na vulicy ŭ patok kipieniu z prarvanaha trubapravoda z haračaj vadoj.

Jak paviedamili ŭ Homielskim abłasnym upraŭleńni MNS, prykładna ŭ 4.00 17 žniŭnia ŭ MNS pastupiła paviedamleńnie ad dyśpietčara kamunalnaha vytvorčaha unitarnaha pradpryjemstva «Homielvodakanał» ab tym, što adbyŭsia paryŭ trubapravoda haračaha vodazabieśpiačeńnia kala kanalizacyjna-pompavaj stancyi (KPS) № 2 pa praśpiekcie Kastryčnika. Dyśpietčaru była nieabchodna dapamoha ŭ evakuacyi z budynka. Paśla prybyćcia da miesca ratavalniki ŭstanavili, što adbyŭsia paryŭ trubapravoda haračaha vodazabieśpiačeńnia dyjamietram 500 mm, budynak KPS pa pierymietry zatoplena haračaj vadoj. U vadzie znachodzicca žančyna, jakaja prosić ratunku.

Jak vyjaviłasia, u vyniku paryvu trubapravoda pačało zataplać padvał KPS. 50-hadovaja dyśpietčar vyjšła na hanak budynka i paprasiła dapamohi ŭ prachožaj, jakaja pa nieaściarožnaści apynułasia ŭ vadzie.

Rabotniki MNS vyciahnuli dziaŭčynu z vady, a dyśpietčara evakujavali z budynka KPS.

Paciarpiełaja, 25-hadovaja miascovaja žycharka, dastaŭlena ŭ Homielskuju centralnuju haradskuju kliničnuju balnicu № 1 z dyjahnazam «apioki 90% cieła treciaj stupieni».

Pryčyna avaryi vyśviatlajecca.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?