U praciah temy pra londanskuju vuličnuju palityku, ciapier z rasiejskim akcentam.

Znajomcy ŭ Rasiei čaściakom žartaŭliva pytajucca pry sustrečy, «nu jak tam Raman Abramovič u Londanie?» Jak tam Abramovič nia viedaju, ale jak inšy rasiejski były aliharch — daviałosia siońnia pabačyć na pikiecie ŭ padtrymku svabody schodaŭ u Rasiei, što sabraŭ niekalki dziasiatkaŭ rasiejskich maładzionaŭ i intelihientaŭ-raznačyncaŭ nasuprać ambasady RF.

Barys Bierazoŭski i jahony mačo-achoŭca

Barys Bierazoŭski i jahony mačo-achoŭca

Jaŭhieni Čyčvarkin

Jaŭhieni Čyčvarkin

Uładzimir Bukoŭski

Uładzimir Bukoŭski

Uładzimir Bukoŭski i kaleha z UKIP

Uładzimir Bukoŭski i kaleha z UKIP

Pastareły i pasivieły Płaton Jelenin u atačeńni kamičnaha vyhladu achoŭcaŭ ź lutymi tvarami i ŭ čornych akularach trymaŭ plakat «Ja tiebia porodił, ja tiebia i ujmu» — maŭlaŭ, ja ciabie, Uładzimieru Pucinie, sparadziŭ, ja ciabie i ŭtajmuju. Pastajaŭšy paŭhadziny pad blicami fotaaparataŭ, čyje fotazdymki praz paru hadzin piastreli pa rasiejskim ŽŽ, były aliharch źjechaŭ u nieviadomym kirunku.

Spačatku padumaŭ, što na miescy zhadanych studentaŭ i raznačyncaŭ, kali b ja zahadzia viedaŭ, što pierad rasiejskaj ambasadaj budzie Bierazoŭski, ja by sumniavaŭsia, ci iści tudy. Ale potym uzhadaŭ, što ŭ Maskvie prystojnyja ludzi nie pierajmajucca vychodzić na mitynhi pobač ź limonaŭcami, i supakoiŭsia. Demakratyja ž. Aby meta adna.

Akramia taho ŭ pieršy raz pabačyŭ znakamitaha skandalista-pradprymalnikaJaŭhienija Čyčvarkina, jaki chavajecca ŭ Brytanii ad pieraśledu. Vysoki mužny i niejki taksama niemałady ŭžo baradaty Čyčvarkin nahadaŭ tvaram chutčej rasiejskaha kupca 19 stahodździa — kab nie admietnaja čyčvarkinskaja žoŭtaja cišotka z dvochsensoŭnym malunkam i roznakalarovy spartova-tynejdžerski hadzińnik na ruce.

Narešcie, bližej da kanca pikieta padyjšoŭ dysydent Uładzimir Bukoŭski razam z adnym ź lidaraŭ UKIP, «Brytanskaj niezaležnickaj partyi», čyim aktyŭnym prychilnikam jość sam Bukoŭski.

Abyjšłosia biez AMAPa i navat biez pravakacyj z boku prokramloŭskaj moładzi. Navat niejak niazvykła.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?