2 vieraśnia na XXIII Maskoŭskaj mižnarodnaj knižnaj vystavie-kirmašy prachodzić Dzień Biełarusi. Knihi bolš čym 40 vydavieckich, palihrafičnych, knihahandlovych pradpryjemstvaŭ Biełarusi składajuć nacyjanalnuju ekspazicyju našaj krainy.

Biełaruski piśmieńnik, paet i hramadska-palityčny dziejač Uładzimir Niaklajeŭ źjaŭlajecca aficyjna zaprošanym rasijskim bokam hościem vystavy. Pra heta jon paviedamiŭ u intervju BiełaPAN.

«Mianie zaprasili ŭziać udzieł u vystavie i vystupić na jaje adkryćci, — adznačyŭ Niaklajeŭ. — Adnak nie adbyłosia ni taho, ni inšaha. Infarmacyja pra zaprašeńnie dajšła da biełaruskich uładaŭ. U znak pratestu suprać majoj tut prysutnaści ŭ Maskvu nie pryjechaŭ ministr infarmacyi Biełarusi, a aficyjnaja biełaruskaja delehacyja zajaviła svoj pratest: abo Niaklajeŭ nie vystupaje, abo nie vystupaje delehacyja. Dziela družby pamiž rasijskim i biełaruskim narodami było vyrašana Niaklajevu słova nie davać».

Pavodle słoŭ piśmieńnika, jamu składana znajści ŭ najaŭnaj situacyi racyjanalnaje ziernie. «Navošta ž jany mianie zaprasili? Mierkavałasia ž vysłuchać abodva našyja baki: aficyjny i moj. A atrymaŭsia znoŭ ža kanflikt», — skazaŭ Niaklajeŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?