«Znoŭ porna: režyser abiraje ŭ jakaści nastupnaj celi asadžanaha Łukašenku», — piša maskoŭski karespandent Radyjo Svaboda Kevin O'Flin.

Vysoki vusaty čałaviek ź imiem Łuka prahulvajecca pa kałhasnym poli i nabližajecca da žančyny, jakaja źbiraje harodninu. Mužčyna, nadzvyčaj padobny na Łukašenku, abmiarkoŭvaje jakaść pamidoraŭ z žančynaj, a potym pierachodzić da seksu ź joj.

Heta scena z budučaha filma dla darosłych «Baćkava ščaście», jaki raspaviadaje pra jurlivyja pryhody staršyni kałhasu — persanaža, stvoranaha jaŭna na ŭzor kiraŭnika Biełarusi, — piša Kevin O'Flin. Jak čakajecca, film źjavicca ŭ sietcy Internet užo sioleta i, vyhladaje, budzie apošnim załpam u antyłukašenkaŭskaj prapahandysckaj vajnie.

Režyser i pradusar Alaksandar Vałaŭ užo źniaŭ lohkaje porna: film «Julija», hieroi jakoha padobnyja na Juliju Cimašenku i Michaiła Saakašvili. Vałaŭ, adnak, asprečvaje, što pracuje na zakaz Kramla, nastojvajučy, što jahonaja meta — tolki zarabić hrošy. Chacia nie admaŭlaje, što palityka prysutničaje ŭ jahonym vybary siužetaŭ:

«Ja taksama nie idyjot i ŭ niejkaj stupieni — patryjot svajoj krainy. Kali b ja nia byŭ patryjotam, dyk maje filmy byli b pra Pucina ci Miadźviedzieva. Ja nia baču ničoha takoha ŭ tym, kab zrabić pra ich film. Adnak, ja, jak režyser, baču rečy inakš. Ja nia baču Pucina ŭ łožku. Heta nia nadta ramantyčna», — Vałaŭ razvažaje, siedziačy ŭ svaim načnym klubie, jaki nieŭzabavie adkryjecca ŭ Maskvie.

Kampramisnaja pazycyja

Vałaŭ hanarycca tym, što zapačatkavaŭ žanr, jaki jon nazyvaje «eratyčny kič». Jon pačaŭ zdymać svoj film pra Łukašenku ŭ 2006 hodzie, nieŭzabavie paśla taho, jak vypuściŭ «Juliju». Ale pakolki adnosiny Miensku i Maskvy byli ŭ toj čas našmat ciaplejšymi, režyser sutyknuŭsia z palityčnymi prablemami. Vałaŭ raźmiaściŭ frahment filma ŭ Internecie, čym vyklikaŭ jaraść biełaruskaha ŭradu, jaki pahražaŭ sudom za paklop.

«Viadoma, što supracoŭniki biełaruskaj ambasady skačali film ź Internetu i, chichikajučy, demanstravali jaho adzin adnamu. I, viadoma, heta dajšło da ich bosa, — kaža Vałaŭ. — Nia viedaju, čutki heta albo nie, ale mnie kazali, što supracoŭnikaŭ, u čyich kamputarach byŭ znojdzieny moj film, zvolnili na nastupny ž dzień».

Aktor, jaki vykonvaŭ rolu Łuki — kiroŭca načnoha klubu, jakoha Vałaŭ znajšoŭ vypadkova — byŭ zvolnieny. Pieršapačatkova jon pakinuŭ prajekt, ale ŭ vyniku viartajecca ŭ film.

Pavodle Vałava, znajści čałavieka na rolu Łukašenki nie prablema:

«Znajści niekaha, padobnaha na Łukašenku — hetak ža jak i na Saakašvili — nia ciažka. Jany majuć typovyja tvary, jakija vy možacie znajści na lubych maskoŭskich rynkach, — kaža jon. — Było našmat ciažej znajści niekaha, chto zmoh by syhrać Cimašenku. Jana łedzi, da taho ž vielmi pryhožaja i seksualnaja."

Znak zvyš

Los filma rezka źmianiŭsia za apošnija niekalki miesiacaŭ, kali rasiejska-biełaruskija stasunki pahoršylisia. Vałaŭ kaža, što ŭspryniaŭ anty-Łukašenkaŭskija dakumentalnyja filmy, pakazanyja pa rasiejskim telebačańni, jak znak, što jon moža zaviaršyć «Baćkava ščaście». Jon čakaje prybytkaŭ takich ža, jak ad «Julii».

Vałaŭ nie turbujecca nakont prablemaŭ ź biełaruskim uradam: «Ja nie ŭ Biełarusi. Dumajecie, Łukašenka pryjedzie dziela mianie ŭ Maskvu? Ja čuŭ, što dla mianie praduhledžanaje 10-hadovaje źniavoleńnie, kali ja kali-niebudź apynusia ŭ Biełarusi. Apošni raz ja byŭ tam u 1970."

«Kali biełaruskim uładam cikava, apošniaja scena filma budzie źniataja u Polščy, niepadalok ad biełaruskaj miažy,« — kaža režyser.

Jahony nastupny film budzie zdymacca ŭ Francyi. Vałaŭ, jaki sam nievialikaha rostu, źbirajecca syhrać u im prezydenta Francyi Nikala Sarkazi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?