Biełaruś uviała abmiežavańni na pastaŭki hrečnievaj krupy ŭ Rasieju. Pra heta raspavioŭ Leŭ Chasis, vykanaŭčy dyrektar rasijskaj X5 Retail Group, jakaja vałodaje niekalkimi sietkami praduktovych kramaŭ. Našy pastaŭščyki ź Biełarusi, u jakich jość hrečka, admaŭlajucca pastaŭlać jaje praz abmiežavańni, ustanoŭlenyja ŭradam Biełarusi.

U suviazi z hetym prezident Rasii

Dźmitryj Miadźviedzieŭ zajaviŭ, što «heta nie pravavyja, heta miedycynskija abmiežavańni»,
i paprasiŭ pieršaha vice-premjera Ihara Šuvałava, jaki kuryruje Mytny sajuz, «pahavaryć z kalehami». «Ja razumieju, što sprava heta ciažkaja, časam patrabuje vialikich dušeŭnych siłaŭ. Ale kudy dziavacca, my ŭ adnym sajuzie, my brackija dziaržavy», — skazaŭ Miadźviedzieŭ.

U svaju čarhu namieśnik ministra sielskaj haspadarki i charčavańnia Biełarusi Vasil Siedzin zajaviŭ, što kraina pakul nie vałodaje liškami hrečnievaj krupy dla ekspartu. «Nam treba pierš za ŭsio zabiaśpiečyć svaju patrebnaść», — rastłumačyŭ Siedzin.

U kancy žniŭnia rasijskija ŚMI paviedamili, što hreckaja krupa rezka padaražeła i źnikła z prodažu ŭ mnohich sietkavych kramach. Pa dadzienych Rasstata, hrečka z pačatku hoda vyrasła ŭ canie na 85%.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?