Pieramožny hoł na 86-j chvilinie zabiŭ Siarhiej Kiślak.
Hoł!!!
Siarhiej Kiślak.
Radaść pieramohi.
I horyč parazy.
Fota uefa.com
Zbornaja Biełarusi pa futbole atrymała pieršuju pieramohu na starcie adboračnaha turniru Čempijanatu Jeŭropy-2012. U matčy na vyjeździe biełarusy pieramahli francuzskuju družynu ź likam 1:0. Na 86-j chvilinie paśla pieradačy Viačasłava Hleba pieramožny hoł zabiŭ Siarhiej Kiślak.
Lik moh być inšym: na 62-j chvilinie Małuda prabiŭ u nievialikuju ščylinu pamiž štanhaj i bramnikam biełarusaŭ Žaŭnovym, ale bakavy arbitr zafiksavaŭ pa-za hulnioj.
Jak paviedamlałasia raniej, na hulniu ŭ Paryž biełaruskija zaŭziatary vykupili kala 300 kvitkoŭ. U časie hulni na «biełaruskich» trybunach Stad de Frans łunała niekalki bieł-čyrvona-biełych ściahoŭ.
* * *
Vyniki inšych matčaŭ u hrupie «D»: Luksiemburh — Bosija i Hiercahavina — 0:3, Rumynija — Ałbanija — 1:1. Biełaruś u vyniku zajmaje 2-je miesca.