Abureńnie ŭ rasijskich dypłamataŭ u Miensku vyklikali śćviardžeńni niekatorych biełaruskich ŚMI, jakija vyłučyli svaju viersiju situacyi vakoł napadu na dypmisiju,
zdareńnia 30 žniŭnia, pieradaje
ITAR-TASS. U hetaj suviazi ambasadu RF u Miensku nakiravała siońnia notu ŭ MZS, — paviedamiŭ daradca rasijskaj dypłamatyčnaj misii Vadzim Husieŭ.
Padstavaj dla noty stali, u pryvatnaści, materyjały infarmacyjna-analityčnaj prahramy «Panarama» biełaruskaha dziaržaŭnaha telebačańnia i haziety administracyi prezidenta «Savieckaja Biełaruś». U hetych srodkach masavaj infarmacyi źjavilisia paviedamleńni ab tym, što adkaznaść za incydent, kali dvoje nieviadomych zakidali terytoryju rasiejskaj ambasady ŭ Miensku butelkami z zapalnaj sumieśsiu, uziała na siabie niejkaja hrupa rasiejskich anarchistaŭ.
«Hetyja, z dazvołu skazać, pasažy centralnych biełaruskich dziaržaŭnych ŚMI, naturalna, nie zastalisia za dužkami našaj uvahi, — skazaŭ Husieŭ. — Raspaŭsiudžvańnie niepravieranaj infarmacyi, bolš taho, nie padmacavanaj materyjałami śledstva, jakoje jašče nie skončana, pa mienšaj miery, vyklikaje abureńnie. Z hetaj nahody ambasadaj siońnia nakiravanaja nota ŭ MZS Biełarusi «, — padkreśliŭ rasiejski dypłamat.
Biełaruski partyzan
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH