1 huś, sol, pierac, 200 h makarony, 1 łyžka masła, 1 žaŭtok, 1 jajka, trochi muskatnaha ćvietu, 100 h sała, 1 piatruška, 1–2 morkvy, 1 parej, 1 cybula. Na sous: 1–2 šklanki bulonu, 0,5 łyžki masła, 1 łyžka kapiersaŭ abo alivak, 1 łyžka muki.
Padrychtavanuju i pasolenuju huś razrezać pa chrybcie, vyniać akuratna kości, pakinuŭšy ich tolki ŭ ściohnach i kryłcach, papiarčyć i nafaršavać tak: zvaryć 200 ci bolš hramaŭ makarony (hledziačy pa vieličyni husi), padrumianić dobruju łyžku masła, pieramiašać makaronu z masłam, dadać žaŭtok i cełaje jajka, usypać trochi ŭtoŭčanaha muskatnaha ćvietu, pieramiašać, nafaršavać huś i piačy ŭ husiatnicy, spod jakoj vykłaści sałam i kareńniem (a taksama pakłaści sała i kareńnie na huś źvierchu), časta pieraviartajučy, kab ptuška prapiakłasia raŭnamierna.
Sous zrabić z mocnaha bulonu z kapiersami abo aliŭkami; a vadkaści, jakaja vyciekła z husi, uziać tolki častku, pryčym biez tłušču.
Hetym sposabam možna pryhatavać i kački, kali jany vialikija i miasistyja.
Kab było smačniej, možna pakłaści ŭ makaronu narezanuju kavałačkami šynku abo jazyk.
