Jak paviedamiła hałoŭny epidemijołah Ministerstva achovy zdaroŭja Ina Karaban, rost zachvorvańnia na VRVI charakterny dla pačatku vosieni. Letaś adznačałasia anałahičnaja situacyja.
Adnak źviestki, jakimi charaktaryzujecca rost zachvorvańnia na vostryja reśpiratornyja infiekcyi, śpiecyjalist nazvać admoviłasia. Pavodle słoŭ Karaban, niahledziačy na pavieličeńnie vypadkaŭ VRVI, lik zachvarełych «nie nastolki vialiki, kab hetyja ličby treba było nazyvać — pra epidemiju havorki niama».
Jak paviedamiła śpiecyjalist, u Biełaruś pastupiła pieršaja partyja vakcyny suprać hrypu. Da siaredziny nastupnaha tydnia ŭ krainu pastupiać usie dozy vakcyny, zakuplenyja za košt srodkaŭ respublikanskaha biudžetu. Na praciahu dvuch tydniaŭ vakcyna projdzie pravierku. U kancy vieraśnia — pačatku kastryčnika ŭ Biełarusi budzie prachodzić masavaja vakcynacyja suprać hrypu. U pieršuju čarhu pryščepku ad hrypu atrymajuć žychary Biełarusi z hrup ryzyki. Heta rabotniki achovy zdaroŭja, adukacyi, transpartu, hramadskaha charčavańnia i handlu, śfiery absłuhoŭvańnia, vajskoŭcy, a taksama darosłyja i dzieci z šeraham chraničnych zachvorvańniaŭ —
Usiaho za košt srodkaŭ respublikanskaha biudžetu da ciapierašniaha epidemičnaha siezona pavinna być zakuplena 1 młn. 400 tys. doz supraćhrypoznaj vakcyny kitajskaj vytvorčaści. Jak adznačajuć śpiecyjalisty, jana efiektyŭna jak suprać siezonnaha virusa, tak i pandemičnaha hrypu A (H1N1). Usiaho ŭ ciapierašni epidemičny siezon płanujecca pryščapić prykładna 20% žycharoŭ, 14% ź ich — za košt respublikanskaha i miascovaha biudžetaŭ, astatnich — za košt ułasnych srodkaŭ i srodkaŭ pradpryjemstvaŭ.
Jak paviedamiła BiełaPAN zahadčyca epidemijałahičnaha adździeła Minskaha haradskoha centra hihijeny i epidemijałohii Alena Fisienka,
u Minsku vakcynacyja suprać hrypu za košt srodkaŭ miascovych biudžetaŭ i ŭłasnych srodkaŭ hramadzian užo pačałasia.
Jana pravodzicca francuzskaj vakcynaj «Vaksihryp» i rasijskaj «Hrypoł Plus». Pryščepku atrymali prykładna 500 čałaviek. Imunizacyja suprać hrypu za košt srodkaŭ respublikanskaha biudžetu pačniecca ŭ kancy vieraśnia. Jana budzie pravodzicca kitajskaj vakcynaj «Fluvaksin».
