Člen Sajuza piśmieńnikaŭ Biełarusi Hieorhij Marčuk rychtujecca ŭ hetym hodzie zmahacca za prava vałodańnia Nobieleŭskaj premii.
Hieorhij Marčuk
Jak raskazaŭ sam litaratar, jon byŭ vyłučany na premiju jašče ŭ 2009 hodzie, adnak, nie atrymaŭšy ŭznaharody, pradoŭžyć udzieł u honcy praz hod.
«U Nobieleŭskim kamitecie ja pradstaŭleny jak aŭtar kazak i afaryzmaŭ, pierakładzienych na anhlijskuju movu», —raskazaŭ jon.
Hieorhij Marčuk nie zmoh dakładna rastłumačyć miechanizm vyłučeńnia litarataraŭ na prestyžnuju premiju. Z adnaho boku, jon zaŭvažaje, što pracedura źjaŭlajecca tajnaj: pradstaŭniki kamiteta sami manitorać suśvietnuju litaraturu i adbirajuć tvory, vartyja vyšejšaj acenki. «Va ŭsim śviecie pryniata ličyć stroha kanfidencyjalnaj strukturu vyłučeńnia, prapahandy i prysudžeńnia premii. Imiony kandydataŭ na ŭznaharodu navat nie prapisvajucca ŭ Internecie», — zajaviŭ piśmieńnik.
Ź inšaha boku, Hieorhij Marčuk adznačaje, što litaratary vyłučajucca na premiju, kali atrymajuć padrymku ŭ sajuzaŭ piśmieńnikaŭ roznych krain. U pryvatnaści,
Sajuz piśmieńnikaŭ Biełarusi pačaŭ atrymlivać zaprašeńni da vyłučeńnia na Nobieleŭskuju premiju svaich kandydataŭ u 2008 hodzie: tady była prapanavana kandydatura paeta Ryhora Baradulina.Ciapier ža, Marčuk jak byccam by atrymaŭ padrymku Makiedonii.
