Prahladajučy adnu spravu ŭ archivie, natrapiŭ na adzin list, jaki vyrašyŭ tut źmiaścić. Z adnaho boku, jon ničym nie vyłučajecca z kahorty
inšych, ź inšaha – vielmi vyrazna ilustruje žyćcio ludziej u dvuch sistemach, savieckaj i polskaj.

List napisany 14 lipienia 1933 h. u Rasiei i adrasavany svajakam u Zachodniuju Biełaruś, jakaja tady znachodziłasia pad Polščaj.

Polskaja vyviedka zacikaviłasia nie samim listom, a tym faktam, što svajaki viali pierapisku pamiž saboj i, tym samym, patrapili pad pilny zrok polskich słužbaŭ, jak padazravanyja ŭ špijanažy na karyść SSSR. Paśla taho, jak jaho pračytali, supakoilisia, napisaŭšy ŭ spravazdačy, što źmiest lista niejtralny i nie śviedčyć ni ab jakim špijanažy. Sam list byŭ byŭ pasłany ŭ Bienickuju hminu Maładečanskaha pavieta. Nie liču patrebnym jaho kamientavać. Niachaj kožny sam zrobić vyvady. Ale ź jaho źmiestu bačna, na kolki roźniłasia žyćcio biełarusaŭ pa roznyja baki miažy.

***

Dobry dzień Ivan i Ksienija i ŭsio vaša siamiejstva. Paviedamlajem vam, što my pakul jašče ŭsie žyviom, ale žyviom vielmi kiepska, va ŭsim majem patrebu, jak u charčach, tak i vopratcy. My ŭžo vam pasyłali try listy i ŭ kožnym prosim ad vas jakoj-niebudź dapamohi. Prosim my vas usich, Jakava i Piatra Žojdzika, vyšlicie mnie chacia b 2-3 pasyłki pa 10 funtaŭ. Vyšlicie na štany materyjała i na kašulu i krup ci sucharoŭ, nu što ŭ vas jość, bob, haroch, nu čaho niebudź. I zaraz prosim vysłać dla nas čaho-niebudź. Ivan Andreevič, paprasi Piatra Žodzika i jaho žonku Jelizavietu, ci nie daduć jany mnie na štany i kašulu i vy vyšlicie mnie na štany i na kašulu. Prosim usich vas nie admaŭlajcie vy nam u našaj prośbie i ŭ našaj patrebie, a vyšlicie, pasabicie vy ŭ našym hory. I pasyłajem my vam usim pa nizkamu pakłonu i całujem my vas usich chacia b cieraz hetu papieru i žadajem my vam usim poŭnaha zdaroŭja ŭ vašym žyćci. I da pabačeńnia. Šmatlubiačy vas vaš šuryn Sidor i siastra vaša Pałahieja Horskaja. Prosim nie admaŭlać nam u našaj prośbie i pasyłkach. Pasyłaŭ try listy, a adkazu ad vas niama. 1933 hoda 14 lipienia.

Adras naš: Danskaja vobłaść, stancyja Malčeŭskaja, pasiołak Navastafanaŭski, atrymać Sidoru Horskamu. Jašče prašu vas, Ivan Andreevič i žonku vašu Ksieniu, vyšlicie vy chacia b 2 ci 3 pasyłki što-niebudź pajeści i materyjała na štany i kašulu funtaŭ 10 farbavanaha pałatna i budźcie tak dabry i nie admaŭlajcie vy ŭ našaj prośbie. Ja dumaju, što kali vy skažycie i paprosicie Piatra i jaho Žonku Jelizavietu, to i jany nie admoviać u majoj prośbie i daduć na štany i kašulu materyjała i troški krup ci harochu. A taksama i Jakub, ja dumaju, nie admović i daść što-niebudź na štany i na kašulu. I kali budziecie vysyłać na štany i na kašulu, to pašyjcie štany i kašulu, bo ŭ nas niama nitak, kab pašyć, a ŭ vas jość svoj kraviec. Prašu vysłać. My budziem čakać ad vas pasyłak i nie admaŭlajcie vy ŭ majoj prośbie. Z pavahaj da vas usich Sidor Horski i vaša siastra Pałahieja Andrejeŭna Horskaja.

***

List padajecca ŭ maim pierakładzie z rasiejskaj movy. Pry pierakładzie ja staraŭsia maksimalna zachavać styl lista.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?