Pavodle słovaŭ adnaho z metraŭ bardaŭskaj pieśni Źmitra Bartosika,
z kanca 80-ch bardaŭskaja muzyka ŭ Biełarusi zaznała transfarmacyju. Firmovy płač pa rodnaj movie, ziamielcy, i mitynhovyja pieśni — usio heta adyšło.Zastalisia — luboŭnaja liryka, jakaja ciapier vielmi haradskaja pavodle formy, niepadobnyja na papiarednikaŭ, temy dla pieśniaŭ. Bolš za toje, navat adyšła moda na śpiavańnie pieśniaŭ na słovy paetaŭ, i kožny małady bard starajecca znajści svaje hučańnie i svaje temy. Tak, u dadatak źnikli čary zabaronienaha płodu, jakija i vabili na stadyjony pasłuchać bardaŭ tysiačy. Adnak bardaŭskaja muzyka zaniała svaju nišu, i chilicca da vystupaŭ va ŭtulnych kaviarniach.
18 vieraśnia ŭ Minsku adbudziecca kancert «Bardaŭskaja vosień». Heta budzie adboračny kancert dla tych bardaŭ, jakija padali zajaŭki na ŭdzieł u konkursnaj častcy fiestyvalu ŭ Bielsku (Biełastoččyna) i zajhrajuć na hałoŭnym kancercie «Bardaŭskaj vosieni — 2010». Konkurs-konkursam, ale na minskim kancercie słuchač budzie mieć mahčymaść paznajomicca z novaj hienieracyjaj ajčynnych bardaŭ (hurt «Zhraja», Aleś Jemieljanaŭ), a taksama ź viadomymi ŭžo Ramanam Jarašam, Tacianaj Hrynievič-Matafonavaj i Volhaj Akulič. Buduć taksama siurpryzy:
hurt Akute, jaki ŭvohule hrajuć u styli «dyska-dens», admysłova dziela vosieni padrychtavali akustyčnuju prahramu.
—Sučasnaja bardaŭskaja muzyka — heta najpierš muzyka nakiravanaja na tekst, — kaža Michał Baranoŭski, salist hurtu «Nielha Zabyć». — I tamu nie tak istotna, što ŭ apošnija hady hetaja muzyka vidaźmianiłasia: voś my hrajem cełym hurtam, z bubnami i skrypkaj, jość bard Pavał Silivončyk, jaki vykonvaje pieśni pad akardeon. A na zakidy nakont niefarmatnaści bardaŭskaj pieśni mahu skazać, što bardaŭskaja muzyka maje svaich stałych prychilnikaŭ i kancerty bardaŭ pa-raniejšamu źbirajuć aŭdytoryju.
Dadamo, što adnaho z kankursantaŭ sioletniaj «Bardaŭskaja vosień»abrać i naviedniki muzyčnaha partała «Tuzina Hitoŭ» . Tamsama, darečy, možna pasłuchać pieśni kankursantaŭ.
Takim čynam, 18 vieraśnia. «Bardaŭskaja vosień». Bar «Piŭnaja historyja» (1-y Zaharadny zav., 20, biznes-centr Silver Tower, pobač ad st. m. «Maładziožnaja»). Pačatak a 18. Uvachod na kancert volny.
