Asnoŭnyja ihraki na rynku navihataraŭ dla Biełarusi — rasijskija kampanii.

Raźvićcio technałohij i źjaŭleńnie ŭ masavym vykarystańni navihataraŭ jašče nie vycieśniła z užytku zvyčajnyja karty i atłasy, ale stvaryła im surjoznuju kankurencyju. Ležačy doma na kanapie, možna pahartać i staronki atłasa. A voś jechać, raskłaŭšy kartu na ruli, nie tolki niazručna, ale i niebiaśpiečna.

Što takoje GPS-navihatar? Kali ŭ troch słovach, to heta razumnaja elektronnaja karta.
Jakaja i praličyć aptymalny maršrut, i papiaredzić pra niebiaśpiečny ŭčastak na darozie i padkaža, dzie znajści bližejšuju zapraŭku ci, naprykład, apteku.

Časta biaruć na ŭzbrajeńnie navihatar žančyny — sapraŭdy, vyhladaje jak dobry padarunak mužu na dzień naradžeńnia! Ale vykarystoŭvać jaho jany źbirajucca možna nie tolki jak elektronnuju kartu. Pahladzieć kino ŭ doŭhaj darozie — heta pieradusim karysnaja funkcyja dla pasažyraŭ, bo kiroŭcu hladzieć film budzie niazručna.

Usio čaściej navihatary ŭ mašynie ŭklučajuć i kiroŭcy taksi. Aparat adrazu pakazvaje adlehłaść i najkaraciejšy maršrut, što vyklikaje davier u pasažyra.

Pryncyp pracy

GPS navihatar składajecca z prymača i kampjutara ŭ adnym korpusie. Kožny ź ich maje svaju funkcyju. Prymač atrymlivaje sihnały, jakija pieradajucca spadarožnikami z arbity, a kampjuter rasšyfroŭvaje hety sihnał i vyznačaje miescaznachodžańnie navihatara. Kolkaść spadarožnikaŭ składaje niekalki dziesiatkaŭ. Raspracoŭka amierykanskich vajskoŭcaŭ zapracavała jašče ŭ 1977 hodzie, ale ŭ pieršy čas tajamnicaj i chavałasia ad hramadskaści.

Hałoŭnaje, što za vykarystańnie sihnała spadarožnika ničoha płacić nie treba.

Jak i ŭ inšych sučasnych prystasavańniach — choć u mabilnikach, choć u płejerach, — u navihatary zakładziena šmat dadatkovych funkcyj. Na ich pracujuć i prahramy dla naboru tekstu, i muzyčnyja prajhravalniki, i prahramy dla prahladu fota.

Aficyjnyja karty Biełarusi

Ale dla tych, chto choča vykarystoŭvać navihatar pra pramym pryznačeńni, hałoŭnaje — padrabiaznyja karty. Aficyjny pradukt źjaviŭsia ŭ Biełarusi zusim niadaŭna i znachodzicca ŭ stanie pastajannaj dapracoŭki.

Pieršaj licenzijnaj kartaj u Biełarusi staŭ «Aŭtaspadarožnik».
Choć prahrama i rasijskaja, schiema stvoranaja i padtrymlivajecca ajčynnym RUP «Biełhieadezija», što padkreślivaje surjoznaść prajektu. Najbolš padrabiazna vykananaja karta Minska, tut namalavanyja ŭsie dvaravyja prajezdy. U abłasnych centrach i najbolšych haradach Minščyny karta prapisana až da numaroŭ damoŭ, a jašče ŭ 100 nasielenych punktach — tolki nazvy vulic. Prahrama viedaje kožnuju viosku Biełarusi. Raspracoŭščyki chvalacca, što ŭ ich prahramie ŭkazanyja navat pasty DPS, nie kažučy pra słavutyja miaściny krainy.

Košt licenzii składaje 90–115 tysiač rubloŭ. U siervis uvachodzić mahčymaść abnaŭleńnia karty na praciahu hodu. U Rasii prahrama ŭžo padtrymlivaje onłajn-siervis«Jandeks-Probki» ŭ Maskvie.

Na mašyny ŭstaloŭvajucca dadatkovyja datčyki, jakija sočać za chutkaściu i infarmujuć pra ŭskładnieny ruch na asobnych darohach. U vyniku astatnija kiroŭcy zahadzia viedajuć, jakija ŭčastki varta abjechać.
Miarkujecca, što nieŭzabavie «Jandeks-Probkami» usurjoz zajmucca i ŭ Minsku. Pakolki infarmacyja pra probki pieradajecca praź internet, pryjdziecca dadatkova apłačvać za atrymanuju infarmacyju. Tamu patrebna, kab prystasavańnie mieła dostup da internetu

Samy mocny kankurent «Aŭtaspadarožnika» — «Naviteł Navihatar». Padrabiaznaść karty maje tuju samuju ijerarchiju — Minsk z dvaravymi prajezdami, abłasnyja centry i jašče kala 20 haradoŭ ź infarmacyjaj «da doma» i, narešcie, schiematyčnyja vyjavy astatnich nasielenych punktaŭ z nazvami vulic.

Biełaruskaja viersija karta tańniejšaja za kankurenta — licenzija kaštuje 69–84 tysiačy rubloŭ. U dadatak,

z sajta kampanii možna spampavać biełaruskamoŭnuju ahučku! Heta značycca, što navihatar budzie kazać, što «da nastupnaha pavarota zastałosia» pa-biełarusku. Dastupnyja hałasy «Alesia» i «Kastuś».
Pracuje i siervis «Zatory». Praŭda, infarmacyja ŭ Minsku nieaktualnaja, bo kolkaść datčykaŭ u horadzie minimalnaja.

Jeŭrapiejskija karty, jak, naprykład, IGO, pieradusim majuć detalizavanuju vyjavu ŭ susiednich zachodnich krainach. U Biełarusi ich možna vykarystoŭvać tolki pry tranzitnym ruchu praz krainu. Kolkaść pamyłak u haradach prosta ahromnistaja. Dastatkova skazać, što

ŭ IGQ ŭ Minsku častka hałoŭnaha praśpiektu nazvanaja vulicaj Daraševiča, a niekatoryja vulicy ŭ centry horada majuć darevalucyjnyja nazvy.

Hrašovaje pytańnie

Zastałosia skazać kolki słovaŭ pra canu samoha navihatara. Samyja niedarahija madeli, z maleńkim ekranam dyjahanallu 3,5 calu, kaštujuć ad $90. Siaredniaja cana navihataraŭ składaje kala $120–140.

Kožnuju z mapaŭ, nazvanych vyšej, možna spampavać u internecie biaspłatna. Jak vynik,

pirackija viersii vykarystoŭvaje absalutnaja bolšaść biełaruskich karystalnikaŭ navihatarami.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?