U minskaj ratušy siońnia prajšło losavańnie matča płej-of Kubka Devisa (1-ja hrupa Jeŭra-Afrykanskaj zony) Biełaruś — Słavakija, jaki projdzie ŭ Minsku z 17 pa 19 vieraśnia.

Litaralna za paŭhadziny da pačatku losavańnia kapitan biełaruskaj družyny Alaksandr Šviec vyrašyŭ zrabić adrazu dźvie zamieny — zamiest zajaŭlenych raniej Jahora Hierasimava i Alaksandra Buraha ŭ kamandu ŭklučanyja Siarhiej Bietaŭ (422-y numar suśvietnaha rejtynhu) i Andrej Vasileŭski (720).

Takim čynam, u vyniku losavańnia pieršymi 17 vieraśnia a 10.00 na adkryty kort staličnaha Pałaca tenisa vyjduć pieršy numar biełarusaŭ Uładzimir Ihnacik (160-y) i druhaja rakietka słavakaŭ Marcin Kližan (255). Śledam za imi zhulajuć druhi numar haspadaroŭ Siarhiej Bietaŭ (422-j) i pieršaja rakietka słavakaŭ Łukaš Łacka (76).

subotu adbudziecca parnaja sustreča — Maksim Mirny i Uładzimir Ihnacik sustrenucca ź Michałam Miercińjakam i Filipam Połašakam. U zaklučny dzień spabornictvaŭ, 19 vieraśnia, projduć jašče dźvie adzinočnyja sustrečy: Uładzimir Ihnacik — Łukaš Łacka i Siarhiej Bietaŭ i Marcin Kližan.

Usie try dni hulni buduć pačynacca, a 10-j, uvachod dla hledačoŭ volny. Pieramožca matču zachavaje miesca ŭ 1-j hrupie Jeŭra-Afrykanskaj zony, a prajhraŭ apuścicca ŭ 2-ju hrupu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?