Šef-redaktarka haziety «Narodnaja vola» kamientuje čaćviortaje papiaredžańnie ad Ministerstva infarmacyi.
«Nie vyklučaju, što padrychtoŭka da zakryćcia niezaležnych haziet znachodzicca ŭ aktyŭnaj fazie. Kab usio vyhladała abhruntavana i važka, ministerstva vypisvaje papiaredžańni pačkami pa absalutna biazhłuzdych pryčynach, — kamientuje Śviatłana Kalinkina čarhovaje papiaredžańnie «Narodnaj voli». — Haziecie nasamreč usio adno — dva papiaredžańni, ci čatyry, bo ŭžo paśla dvuch jaje mohuć začynić. Uładam ža potym budzie zručna zajavić: hladzicie — čatyry razy ich papiaredžvali za parušeńni, a jany nijak nie reahujuć».
2 vieraśnia Śviatłana Kalinkina ŭ svaim błohu napisała pra zahad ministra Pralaskoŭskaha, jaki, na jaje dumku, faktyčna nabliziŭ Ministerstva infarmacyi da siłavych strukturaŭ. Šef-redaktarka miarkuje, što Pralaskoŭski, jak i bolšaść čynoŭnikaŭ jaho ŭzroŭniu, takija epitety, jak «novaja śpiecsłužba», usprymaje chutčej, jak kamplimient, čym abrazu. Tamu žurnalistka nie schilnaja ličyć, što hetaje papiaredžańnie moža być prajavaj kryŭdy na jaje, ci tym bolš pomsty.
