U 2004-m jon razam z Partyjaj Rehijonaŭ Ukrainy prajhraŭ prezidenckija vybary, a ŭ 2003-m z SPS nie adoleŭ 5-pracentavy barjer.
Andrej Dźmitryjeŭ i Uładzimir Niaklajeŭ paśla vyzvaleńnia z-pad aryštu ŭ mai 2010.
Kiraŭnikom pieradvybarnaha štaba Uładzimira Niaklajeva pryznačany Andrej Dźmitryjeŭ. Viadoma, što jon źjaŭlajecca mižnarodnym sakratarom Abjadnanaj hramadzianskaj partyi i razam z Uładzimiram Niaklajevym stajaŭ la vytokaŭ kampanii «Havary praŭdu». U časie zatrymańniaŭ i pieratrusaŭ na ofisie kampanii 18 maja byŭ aryštavany na troje sutak.
Jak adznačaje ŭ svaim błohu žurnalistka Śviatłana Kalinkina, u svoj čas 2004 h. Andrej Dźmitryjeŭ treniravaŭ Partyju Rehijonaŭ Ukrainy, a hodam raniej — rasijskuju partyju Sajuz pravych siłaŭ. (Dmitryjeŭ źjaŭlajecca dyrektaram kansałtynhavaj kampanii.)
U abodvuch vypadkach jaho klijentaŭ čakała niaŭdača: lidar partyi Viktar Janukovič prajhraŭ prezidenckija vybary, a SPS nie pieraadoleła 5-pracentny barjer na vybarach u Dumu. «Treciaj sprobaj ŭnieści ŭ palityku pryncypy tajm-mieniedžmientu i pravilnych kamunikacyj pry pramych prodažach Dźmitryjeŭ prosta abaviazany vypravić palityčnuju častku svajoj bijahrafii», — piša Kalinkina.
Na siońnia Andrej Dźmitryjeŭ źjaŭlajecca dyrektaram kansałtynhavaj kampanii «Infa-Stałkinh», biźnies-trenieram pa tajm-mieniedžmencie (zajmajecca pravilnaj arhanizacyjaj času).
Bijahrafija dyrektara i treniera vyhladaje nastupnym čynam.
Ad lutaha 2005 h. pa ciapierašni čas — dyrektar i trenier TAA «Infa-stałkinh» (niepasrednaje kiravańnie kampanijaj, praviadzieńnie treninhaŭ pa kiravańni pracoŭnym časam, kiravańniu časam z Outlook, delehavańni, arhanizacyi i praviadzieńni pieramovaŭ, kansultavańnie, karparatyŭnyja prajekty pa ŭkaranieńni CRM, aptymizacyi praviadzieńnia narad , pastanoŭcy zadač);
Listapad 2004 — trenier i kansultant Partyi Rehijonaŭ Ukrainy», h. Kijeŭ.
Vierasień 2004 — trenier kampanii «Ciańšy» (tema treninhaŭ — «Kamunikacyja ŭ pramych prodažach»).
Lipień — žnivień 2004 — trenier u prajekcie IDEA i New Communication Club (sieryja rehijanalnych sieminaraŭ na temy kiravańnia časam, arhanizacyjnaha budaŭnictva, kamunikacyi i matyvacyi);
2004 — luty 2005 — niezaležny trenier i kansultant u šerahu prajektaŭ pa ŭkaranieńniu CRM-sistemy i karparatyŭnaha płanavańnia;
Červień — śniežań 2003 — kiraŭnik rekłamnaj kampanii pa Maskoŭskaj vobłaści dla palityčnaj partyi «Sajuz Pravych Sił»;
Vierasień 2002 — maj 2003 — vykładčyk rytoryki ŭ licei BDU, h. Minsk;
Ź listapada 2001 — pa luty 2005 — trenier IDEA (International Debates Educational Association).
