Centrvybarkam na pasiadžeńni 20 vieraśnia zarehistravaŭ inicyjatyŭnuju hrupu pa vyłučeńni kandydatam na pasadu prezidenta Viktara Ciareščanki. Heta pieršaja zarehistravanaja inicyjatyŭnaja hrupa pretendenta na pasadu kiraŭnika dziaržavy na prezidenckich vybarach, jakija adbuducca 19 śniežnia.

U skład inicyjatyŭnaj hrupy Ciareščanki ŭvajšło 1.300 čałaviek.

U zajavie inicyjatyŭnaj hrupy havorycca, što Viktar Ciareščanka «zdolny ź`iadnać narod Biełarusi dla jaho aŭtarytetu, dabrabytu hramadzian». «My vierym, što palepšacca i šlachi intehracyi z krainami, u pieršuju čarhu z Rasijskaj Fiederacyjaj. My vierym u cyvilizavanyja ekanamičnyja i kulturnyja stasunki pamiž dziaržavami», — adznačajecca ŭ zajavie.

Ciareščanka Viktar Ivanavič naradziŭsia 30 studzienia 1950 h. u vioscy Dubroŭka (Krasnapolski rajon Mahiloŭskaj vobłaści). Skončyŭ ekanamičny fakultet Homielskaha dziaržaŭnaha ŭniviersiteta i Mižnarodny instytut mieniedžmientu.

Kandydat ekanamičnych navuk, člen-karespandent Mižnarodnaj akademii mieniedžmientu i Mižnarodnaj inžyniernaj akademii (Maskva), staršynia savieta Asacyjacyi małoha i siaredniaha pradprymalnictva.

Z červienia 1992 h. pa červień 1994 h.- hienieralny dyrektar STAA «Mižnarodny instytut mieniedžmientu».

U 1994 h. vyłučaŭsia kandydatam na pasadu prezidenta, adnak vyrašyŭ padtrymać Alaksandra Łukašenku, staŭšy jaho davieranaj asobaj.

Z žniŭnia pa vierasień 1994 h. — načalnik upraŭleńnia pa spravach terytoryj Administracyi prezidenta.

Z 1993 h. pa 2004 h. — staršynia hramadskaha ab`iadnańnia «Narodnaja dypłamatyja».

Z 1994 h. pa 2000 h. — staršynia Biełaruskaj narodnaj partyi.

U 2001 h. Ciareščanka ŭ druhi raz vyłučaŭsia kandydatam na pasadu prezidenta. CVK admoviła jamu ŭ rehistracyi kandydatam, pryznaŭšy sapraŭdnymi tolki 62 tysiačy podpisaŭ zamiest nieabchodnych 100 tysiač.

Zaraz biespartyjny. Žanaty, maje dźvie dački.

Pryjom zajavak na rehistracyju inicyjatyŭnych hrup pa vyłučeńni kandydataŭ na post prezidenta pačaŭsia 15 vieraśnia i budzie doŭžycca pa 24 vieraśnia ŭklučna.

Zhodna z zakanadaŭstvam zbor podpisaŭ za vyłučeńnie kandydata ŭ prezidenty budzie prachodzić z 30 vieraśnia pa 29 kastryčnika ŭklučna.

Akramia Ciareščanki pra namier bałatavacca na pasadu kiraŭnika dziaržavy zajavili staršynia Libieralna-demakratyčnaj partyi Siarhiej Hajdukievič, lidar hramadzianskaj kampanii «Havary praŭdu!» Uładzimir Niaklajeŭ, lidar hramadzianskaj kampanii «Jeŭrapiejskaja Biełaruś» Andrej Sańnikaŭ, namieśnik staršyni Partyi BNF Ryhor Kastusioŭ, sustaršynia arhkamiteta pa stvareńni partyi «Biełaruskaja chryścijanskaja demakratyja» Vital Rymašeŭski, namieśnik staršyni Biełaruskaj partyi «Zialonyja» Juryj Hłušakoŭ i namieśnik staršyni Ab`iadnanaj hramadzianskaj partyi Jarasłaŭ Ramančuk.

Alaksandr Łukašenka pakul aficyjna nie abviaściŭ ab svaim udziele ŭ vybarach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?