Zahadkavy Siarhiej Ivanoŭ abvieściŭ pra svoj namier bałatavacca praź internet.

Hety čałaviek zajaviŭ pra svaje prezidenckija ambicyi tolki na svaim sajcie, pryčym dataj publikacyi staić 01.07.2020 hoda. Adnak Siarhiej Ivanoŭ zaklikaje «nie paddavacca na piesimizm i pravakacyi» i zapisvacca ŭ jaho inicyjatyŭnuju hrupu.

«Prapanuju realny, adrozny ad inšych, šlach raźvićcia Biełarusi — farmavańnie Hramadzianskaj Supolnaści, — piša na svaim sajcie Siarhiej Ivanoŭ. — Ja suprać pasłableńnia ŭłady na druhim etapie raźvićcia, ja za pierajemnaść ułady».

Ivanoŭ ličyć abaviazkovym, kab biełarusy viedali svaju rodnuju movu i karystalisia joj: «Reanimacyja biełaruskaj movy pavinna adbyvacca kožny dzień, ale naturalnym čynam, upeŭniena, płaŭna, paetapna, z udziełam prafiesijanałaŭ».

Naradziŭsia hety Ivanoŭ u 1971 hodzie ŭ Minsku. U 1989 hodzie skončyŭ siaredniuju škołu №3 stalicy. U hetym ža hodzie pastupiŭ u Tamboŭskaje vyšejšaje vajskovaje aviacyjnaje inžyniernaje vučylišča. U 1994 hodzie skončyŭ navučańnie pa śpiecyjalnaści radyjotechnika z prysvajeńniem kvalifikacyi radyjoinžyniera i viarnuŭsia da siabie na radzimu ŭ Biełaruś dla dalejšaha prachodžańnia słužby.

Z 1994 hoda pa 2004 hod prachodziŭ słužbu ŭ siłavych strukturach Respubliki Biełaruś.

Zvolniŭsia pa ŭłasnym žadańni. Z 2004 hoda pracavaŭ namieśnikam dyrektara ŭ kamiercyjnaj arhanizacyi.

Ličyć taki vopyt dastatkovym, kab uznačalić dziaržavu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?