Maładyja baraviki
adrazu paśla taho, jak ich prynieśli ź lesu, ačyścić, ukinuć u kipień i trymać na ahni, pakul nie źjavicca biełaja piena; tady vyniać z rondala, pakłaści na suchi abrus i tak trymać, pakul całkam nie astynuć. Tady kłaści baraviki ŭ słoik słajami, pierasypajučy dobra sollu. Poŭny słoik prycisnuć doščačkaj, na doščačku pakłaści kamień. Nieabaviazkova całkam zapoŭnić słoik za adzin raz, možna dakładać pa niekalki hryboŭ. Hałoŭnaje, kab hryby byli dobra prycisnutyja i płavali ŭ rasole.
Ryžyki marynavanyja na zakusku da harełki
Maładyja śviežyja ryžyki vycierci pałatnom da suchaści. Na vyšyniu palca nalić u słoik aleju, źmiašać čatyry častki soli i adnu častku piercu, pakłaści ŭ alej słoj hryboŭ, dobra pasypać sollu i piercam, znoŭ pałažyć ryžyki i pasypać, i tak rabić, pakul słoik nie zapoŭnicca, pryciskajučy hryby, kab lažali ščylna. Navierch pakłaści hniot (kamieńčyk), a jak hryby źlažacca, to dapoŭnić znoŭ da vierchu, paśla čaho nakryć słoik kavałkam papiery, abviazać i zachoŭvać u chałodnym miescy.
