Kala 10 kazačnych piersanažaŭ 22 vieraśnia pieradali zvarot u Ministerstva Zamiežnych spravaŭ RB.
«Hramadskija aktyvisty, niedziaržaŭnyja žurnalisty dy inšyja kazačnyja monstry!» — źviarnuŭsia da usich prysutnych padčas pierformansa Prync Farkuad (hałoŭny antyhieroj padziei). Svaim ukazam kazačny dyktatar paviedamiŭ jak nasamreč patrebna žyć: nikoli nie źbiracca razam, ničoha nie rabić supolna i vyjechać u ssyłku na bałota. Adnak kazačnyja žyvioły vyrašyli nie padparadkoŭvacca nie razumnym ukazam i adpravilisia adstojvać prava na dziejnaść ad imia niezarehistravanych arhanizacyj.
Satyryčnyja akcyja stała adkazam na «kryvadušša» ŭładaŭ. Za apošni hod i čynoŭniki Minjustu i deputaty Pałaty pradstaŭnikoŭ nieadnarazova vykazvalisia ab skasavańni kryminalnaj adkaznaści za dziejnaść ad imia niezarehistravanaj arhanizacyi. Adnak dalej za abiacańni sprava nie pajšła. Tamu kazačnyja piersanažy pieradali jašče adzin zvarot s zaklikam skasavać artykuł, jaki praduhledžvaje kryminalnuju adkaznaść za dziejnaść ad imia niezarehistravanych arhanizacyj.
15 vieraśnia MZS Biełarusi adpraviła ŭ AAN dakumient, ź jakoha vynikaje, što ŭłady ŭchililisia ad vyrašeńnia pryncypovych pytańniaŭ i praciahvajuć zajaŭlać, što ŭ Biełarusi niama prablemaŭ z pravami čałavieka. U hetym dakumiencie jość śćvierdžańnie, što
«Biełaruś nie prymaje rekamiendacyju adnosna skasavańnia artykuła 193.1 Kryminalnaha kodieksa. Dadzieny artykuł skiravany na spynieńnie dziejnaści ŭ Biełarusi ekstremisckich hrupaŭ i arhanizacyjaŭ…»
Tamu pierformans z kazačnymi piersanažami adbyŭsia mienavita napiaredadni
Pierformans adbyŭsia ŭ miežach kampanii Asamblei NDA «Stop 193.1!».
