Prezidenckija vybary ŭ Biełarusi stanuć vyrašalnymi dla vyznačeńnia dalejšaha raźvićcia stasunkaŭ Biełarusi i Jeŭrasajuza, zajaviŭ 22 vieraśnia staršynia Jeŭraparłamienta Ježy Buziek.
U zajavie, jakuju raspaŭsiudziła
«Nieabchodna kiravacca kožnaj litaraj rekamiendacyj BDIPČ ABSIE, kab vyniki hetych vybaraŭ ličylisia spraviadlivymi i demakratyčnymi», — ličyć Buziek.
Kiraŭnik Jeŭraparłamienta zaklikaŭ biełaruskija ŭłady harantavać roŭnyja ŭmovy dla ŭsich kandydataŭ pry rehistracyi, farmiravańni vybarčych kamisij usich uzroŭniaŭ, a taksama harantavać nadziejnaść daterminovaha hałasavańnia i prazrystaść pracedury padliku hałasoŭ.
Buziek vykazaŭ zaniepakojenaść svabodaj presy ŭ Biełarusi i zaklikaŭ biełaruskija ŭłady zabiaśpiečyć roŭny dostup kandydataŭ da ŚMI, spynić «pieraśled i nacisk na niezaležnych žurnalistaŭ».
Staršynia Jeŭraparłamienta sa škadavańniem zajaviŭ, što «apošnija vybary ŭ Biełarusi stali faktyčna kpinam z demakratyi». «Demakratyja tak nie pracuje, heta nie pjesa, jakuju adrepietavali, jakoj kiruje režysior, a akciory paŭtarajuć zavučany tekst. Demakratyja — heta realizacyja i vyražeńnie svabodnaj i niezaležnaj voli naroda», — havorycca ŭ zajavie.
Buziek zaklikaŭ demakratyčnyja siły krainy abjadnać namahańni i zapeŭniŭ, što dziaržavy ES «ščyra padtrymlivajuć imknieńnie biełarusaŭ žyć u svabodnaj, demakratyčnaj i niezaležnaj krainie».
