Adździeł ZAHS administracyi Čyhunačnaha rajona Homiela admoviŭ žycharu abłasnoha centra Uładzimiru Niapomniaščych u vypraŭleńni daty naradžeńnia z 1 vieraśnia na 31 žniŭnia.
8 vieraśnia Niapomniaščych źviarnuŭsia ŭ ZAHS z prośbaj pieranieści datu jaho dnia naradžeńnia. «Chaču, kab u mianie byŭ dzień naradžeńnia ŭ adzin dzień z Kolem Łukašenkam i jaho tatam Łukašenkam Alaksandram Ryhoravičam», — rastłumačyŭ mužčyna. U zajavie ŭ ZAHS jon napisaŭ, što naradziŭsia 1 vieraśnia 1952 hoda. «U hety dzień, tolki ŭ 1939 hodzie, pačałasia Druhaja suśvietnaja vajna. Užo na praciahu bolš čym 50 hadoŭ hetaja padzieja azmročvaje moj dzień naradžeńnia. Vidać, daje asadak pačatak strašnaj kryvavaj trahiedyi miljonaŭ ni ŭ čym nie vinavatych ludziej», — adznačaŭ aŭtar zajavy.
Niapomniaščych chacieŭ by adznačać dzień naradžeńnia tady ž, kali jaho śviatkujuć prezident i jaho małodšy syn: «Jakoje heta budzie dla mianie ščaście — uśviedamlać, što ty taksama naradziŭsia 31 žniŭnia. Bo takoje nie kožnamu dadziena».
Jak paviedamiŭ BiełaPAN Niapomniaščych, admovu źmianić datu naradžeńnia ZAHS matyvavaŭ tym, što zajaŭnik nie padaŭ dakumienty, jakija paćviardžajuć fakt jaho naradžeńnia 31 žniŭnia. Adździeł ZAHS spasyłajecca pry hetym na šerah narmatyŭnych i pravavych aktaŭ, u pryvatnaści Kodeks ab šlubie i siamji, šerah pastanoŭ, ukaz prezidenta «Ab administracyjnych pracedurach, jakija ažyćciaŭlajucca dziaržaŭnymi orhanami i inšymi arhanizacyjami pa zajavach hramadzian».
«Adkaz ZAHS — adpiska, tamu što ja i nie śćviardžaŭ, što ŭ mianie dzień naradžeńnia 31 žniŭnia, a prasiŭ pieranieści z 1 vieraśnia. U nas tolki adzin čałaviek moža rabić, što choča, inšym, jak vidać, nie dazvolena źmianiać dzień naradžeńnia pa žadańni», — skazaŭ Niapomniaščych.
Raniej Alaksandr Łukašenka źmianiŭ datu svajho dnia naradžeńnia z 30 na 31 žniŭnia.
