Pra heta paviedamiŭ sam patencyjny kandydat na prezidenta. Spadar Kobiec viadomy jak adzin z arhanizataraŭ ruchu «Zubr».
Pres‑sakratarom inicyjatyŭnaj hrupy Andreja Sańnikava pryznačany Alaksandar Atroščankaŭ. Jamu 29 hadoŭ. Nieadnarazova byŭ sudzimy za ŭdzieł u vuličnych akcyjach apazicyi.
Spadar Sańnikaŭ taksama paviedamiŭ, što pakul nie vyrašana, kali jon budzie padavać śpis svajoj inicyjatyŭnaj hrupy na rehistracyju ŭ CVK — u čaćvier ci piatnicu.
Uładzimir Kobiec naradziŭsia 7 listapada 1971 hoda. Vučyŭsia na hieahrafičnym fakultecie BDU, a taksama ŭ Akademii kiravańnia pry prezidencie. Pracavaŭ u ministerstvie pryrodnych resursaŭ i abarony navakolnaha asiarodździa. U 2001 hodzie byŭ adnym z zasnavalnikaŭ ruchu supracivu «Zubr».
Kobiec źjaŭlaŭsia adnym z klučavych asobaŭ u «Zubry», choć i nadta publična śviaciŭsia. Kobiec mieŭ dobryja stasunki z moładzievymi arhanizacyjami postsavieckich krain — hruzinskaj «Kmaraj», ukrainskaj «Paroj». Udzielničaŭ va ŭkrainskim Majdanie na baku Viktara Juščanki.
Udzielnik Foruma hramadzianskaj supolnaści «Uschodniaha partniorstva». Maje dobryja kantakty ź jeŭrapiejskimi i amierykanskimi palitykami.
0
0
0
0
0
0
