23 vieraśnia administracyjnuju spravu razhledzić sud Leninskaha rajona.
Hrodna, 2 vieraśnia. Pikiet pad voknami harvykankama. Fota www.svaboda.org
Vykładčyka Hrodzienskaha dziaržaŭnaha miedycynskaha ŭniviersiteta, prafiesara Alesia Astroŭskaha, jaho žonku Aksanu i hrodzienskaha žurnalista Uładzimira Chilmanoviča vyklikali ŭ sud pavodle administracyjnaj spravy. Razhlad spravy adbudziecca ŭ sudzie Leninskaha rajonu 23 vieraśnia a 10-j hadzinie, paviedamiła Aksana Astroŭskaja. Prafiesara Astroŭskaha vinavaciać u arhanizacyi i praviadzieńni niesankcyjanavanaha pikieta, jaho žonku i Chilmanoviča — va ŭdziele ŭ pikiecie. 2 vieraśnia hetaha hodu jany praviali pikiet pad voknami harvykankamu z patrabavańniem stvaryć u Hrodnie biełaruskamoŭny kłas. Pa ich słovach, heta byŭ vymušany krok. Pikietoŭcaŭ pryniali ŭ harvykankamie i paabiacali paspryjać. A paśla hetaha ich usich zatrymali milicyjanty i advieźli ŭ pastarunak.
Adčajny krok Astroŭskich i Chilmanoviča mieŭ i pazityŭnyja nastupstvy. Dačka Astroŭskich budzie vučycca pa-biełarusku. Bolšaść pradmietaŭ joj buduć vykładać na rodnaj movie indyvidualna, reštu — pa-rasijsku i razam ź inšymi dziećmi.