z udziełam viadomych biełaruskich navukoŭcaŭ, architektaraŭ, mastactvaznaŭcaŭ i historykaŭ adbuducca 23 vieraśnia ŭ Hrodnie.
Słuchańni adbuducca ŭ čaćvier 23 vieraśnia pa adrasie: Budzionaha 48a-100 (zała va ŭnutranym dvoryku). Pačatak a 18.30. Uvachod volny.
Niekalki apošnich miesiacaŭ u haradzienskich ŚMI ŭładami aktyŭna pierakonvajuć žycharoŭ Hrodna ŭ nieabchodnaści rekanstrukcyi Kałožskaj carkvy. Abvieščanaja nieabchodnaść nie vyhladaje takoj adnaznačnaj, navat niahledziačy na toje, što ŭžo adrapartavana ab tym, što 83% hrodziencaŭ padtrymlivajuć ideju adnaŭleńnia carkvy, a školnikaŭ ahitujuć skidvacca na rekanstrukcyju chrama.
Značnaja častka biełaruskich mastactvaznaŭcaŭ, archieołahaŭ i architektaraŭ kažuć pra toje, što nielha prymać paśpiešnyja rašeńni ab «rekanstrukcyi» hetaha kaštoŭnaha pomnika, simvała našaha horada, bo rašeńni mohuć akazacca fatalnymi. My jašče zanadta mała viedajem pra Kałožu, naprykład pra pačatkovy źniešni vyhlad chrama, stylistyku jaho pabudovy, stan Kałožskaj hary, kab być upeŭnienymi ŭ stanoŭčych vynikach rekanstrukcyi. Abmien mierkavańniami i pazicyjami adbudziecca ŭ Hrodnie na hramadskich słuchańniach, jakija projduć u bližejšy čaćvier.
Da ŭdziełu ŭ hramadskich słuchańniach zaprošanyja:
*Łaŭrecki Hienadź — aŭtar i navukovy kiraŭnik prajekta restaŭracyi Kałožy. Biełaruski architektar i mastactvaznaviec. Uznačalvaje architekturna- mastackuju radu Biełaruskaha ekzarchatu Ruskaj pravasłaŭnaj carkvy.
*Hlińnik Vadzim — navukovy kiraŭnik abjekta «Histaryčny centr h.Połacka», siabra rabočaj hrupy pa padrychtoŭcy daśje dla ŭklučeńnia kulturnych kaštoŭnaściej h. Połacka ŭ Śpis suśvietnaj kulturnaj i pryrodnaj spadčyny.
*Trusaŭ Aleh — archieołah, kandydat histaryčnych navuk, historyk biełaruskaj architektury, kiraŭnik archieałahičnych raskopak na Kałožy ŭ 1980-ch hh.
*Habruś Tamara — doktar mastactvaznaŭstva, siabra Savietu pa manumentalnym mastactvie Savietu Ministraŭ Respubliki Biełaruś.
*Łaŭroŭskaja Irena — doktar mastactvaznaŭstva ŭ halinie ŭrbanistyki i architektury, Daślednica historyi i architektury Bresta.
*Trusaŭ Ihar — haradzienski historyk architektury.
*Kraŭcevič Aleś — haradzienski historyk i archieołah, doktar histaryčnych navuk.
*Čarnataŭ Viačasłaŭ — dacent kafiedry architekturnaha fakulteta BNTU
Budzie taksama ahučana pazicyja Armena Sardarava, doktara architektury, dekana architekturnaha fakulteta BNTU.
Aficyjnaja infarmacyja pra prajekt restaŭracyi, jaho histaryčnaje, mastackaje i ideałahičnaje abhruntavańnie znachodzicca tut.
Pytańni, jakija my płanujem zadać aŭtaru prajekta i inšym udzielnikam słuchańniaŭ:
*Jakija raboty płanujecca pravodzić z Kałožskaj carkvoj — rekanstrukcyju abo restaŭracyju?
*Čamu patreba ŭ praviadzieńni rabot na Kałožy paŭstała mienavita siońnia? Što vyklikała patrebu rekanstrukcyi carkvy?
*Što my viedajem pra pieršapačatkovy vyhlad Kałožskaj carkvy i nakolki prapanavany prajekt adnaŭleńnia chrama adnaŭlaje jaho?
*Nakolki prapanavany prajekt adnaŭleńnia chrama z boku hledžańnia stylistyki, prapanavanych budmateryjałaŭ i h.d. adpaviadaje sučasnym jeŭrapiejskim tendencyjam restaŭracyi i zachavańnia architekturnaj spadčyny?
*Jakimi źviestkami my vałodajem pra stan Kałožskaj hary, jak zabiaśpiečyć chram ad dalejšaha razbureńnia? Ci nieabchodnaja realizacyja prapanavanaha prajekta dla zachavańnia staražytnaj častki chrama?
*Ci ŭ stanie siońniašniaja biełaruskaja restaŭracyja pracavać z takim pomnikam, jak Kałožskaja carkva?
*Čamu nieabchodnaść «rekanstrujavać» Kałožu padnosicca hramadskaści ŭ takoj kateharyčnaj formie i nahadvaje bolš sprobu manipulacyi z hramadskaj śviadomaściu, čym žadańnie abhruntavana pierakanać biełarusaŭ u nieabchodnaści adnaŭleńnia chrama?
Słuchańni adbuducca ź inicyjatyvy Haradzienskaha adździaleńnia Tavarystva Biełaruskaj Škoły pry dapamozie aktyŭnaj hramadskaści horada.
