Čechi chočuć zbudavać dva dadatkovyja reaktary dla svajoj atamnaj elektrastancyi ŭ Temelinie. I majuć prablemu, što nahadvaje prablemu biełarusaŭ, jakija taksama majuć namier pabudavać u siabie dva reaktary: čechi mocna čuchajuć hałavu, adkul zaprasić budaŭnikoŭ — z Rasiei ci z Zachadu.
Na pabudovu českich reaktaraŭ byŭ abjaŭleny konkurs. Adhuknulisia try kampanii: «Westinghouse Electric Co.», jakaja źjaŭlajecca amerykanskim adździełam japonskaha kancernu «Tašyba»; francuski dziaržaŭny kancern «Areva SA»; «Atomstrojeksport» z Rasiei.
«Hety prajekt, chutčej za ŭsio, pryviaža českuju industryju da pieramožnaha ŭdzielnika konkursu i enerhietyčnaha sektaru jaho krainy na niekalki dziesiacihodździaŭ,« — siońniašniaje vydańnie The Wall Street Journal cytuje vykazvańnie Vacłava Bartaški, upaŭnavažanaha českaha ŭradu ŭ pytańniach enerhietyki.
Košt usiaho kantraktu aceńvajecca na 25 miljardaŭ dalaraŭ. Umovy konkursu nie byli padadzienyja da publičnaha viedama, ale The Wall Street Journal miarkuje, što kantrakt budzie achoplivać jak vykanańnie prajektu i pabudovu reaktaraŭ, tak i eksploatacyju dy vyviadzieńnie z eksploatacyi hetych reaktaraŭ paśla pryblizna 40–60 hadoŭ.
Na dadzieny momant česki konkurs źjaŭlajecca samym darahim prajektam u eŭrapiejskaj jadziernaj enerhietycy.
Čecham rupić zapuścić hetyja dva dadatkovyja reaktary nie paźniej za 2021 hod, bo jakraz tady krainam Eŭraźviazu pryjdziecca płacić značny ekalahičny padatak za vykid vuhlakisłaha hazu z vuhalnych elektrastancyj.
Ciapier u Temelinie pracujuć čatyry reaktary. Jany vyrablajuć pryblizna tracinu elektraenerhii ŭ Českaj Respublicy.
«Usie try zajaŭniki na konkurs majuć roŭnyja šancy na pieramohu, ale aspekt dyversyfikacyi budzie taksama adyhryvać rolu,« — ličyć Vacłaŭ Bartaška, jaki ažyćciaŭlaje nahlad za konkursam ad imia ŭradu.
Bartaška miarkuje, što Čechii bolš karysna było b vybrać zachodniuju technalohiju i zachodniaha vykanaŭcu prajektu, kab źmienšyć zaležnaść krainy ŭ sfery enerharesursaŭ ad Rasiei.
Rasieja źjaŭlajecca vyklučnym pastaŭnikom jadziernaha paliva dla čatyroch dziejnych českich reaktaraŭ; Rasieja taksama pastaŭlaje 75 adsotkaŭ nafty i hazu, patrebnych Českaj Republicy.
Ciapierašni pravacentryscki ŭrad Čechii, pavodle The Wall Street Journal, schilajecca da dyversyfikacyi pastavak enerhii i, chutčej za ŭsio, vitaŭ by pabudovu novych jadziernych reaktaraŭ zachodniaj kampanijaj.
A były kiraŭnik
