U sieradu viečaram barysaŭski BATE i minskaje «Dynama» praviali prapuščany matč 20‑ha tura futbolnaha pieršynstva. Tady hulnia była pieraniesiena z pryčyny zaniataści kłubaŭ u jeŭrakubkach.
Apošni tur nacyjanalnaha pieršynstva abiedźvie kamandy praviali nie samym lepšym čynam. BATE padzialiŭ punkty z aŭtsajderam minskim «Partyzanam». A «Dynama» ŭvohule było razhromlenaje «Šachcioram» — 0:3.
Bolš važnym hety matč byŭ usio ž dla minčan, bo pieramoha im była patrebnaja, kab praciahnuć baraćbu za miedali. «Dynama» ŭpeŭniena pačało hulniu, ale pieršymi zabili ŭsio ž BATE. Renan bresan realizavaŭ pienalci za foł suprać Paŭła Niachajčyka.
Praŭda, jašče da pierapynku Andrej Čuchlej padścieražyŭ adskok paśla ŭdaru bałharyna Janka Vyłkanava — 1:1.
Druhi tajm dla BATE pačaŭsia žachliva. Adrazu byŭ pryznačany pienalci. Praŭda, Vieramko vyjšaŭ pieramožcam u dueli z Drahunom. Nienadoŭha.
Praz čatyry chvilin Stas Drahun usio ž vyvieŭ «Dynama» napierad. Kančatkovuju ž kropku ŭ sustrečy pastaviŭ brazilski lehijanier «Dynama» Bruna — 1:3.
Stanovišča kamandaŭ paśla 25 turaŭ: BATE — 55 punktaŭ, «Minsk» — 51, «Šachcior» — 48, «Dynama» (Minsk) — 46, «Biełšyna» — 37, «Naftan» ‑‑ 33, «Dynama» (Brest), «Dniapro» — 32, «Viciebsk» — 22, «Tarpieda» — 20, «Nioman» — 18, «Partyzan» — 15.
Matčy nastupnaha tura projduć 25‑26 vieraśnia.
