Pra heta siońnia na sustrečy z kiraŭnikami ŚMI zajaviŭ ministr abarony Juryj Žadobin.

«Rasijski vajenna-pramysłovy kompleks nie moža zrabić bieź Biełarusi kančatkovy pradukt», — skazaŭ ministr. Jon rastłumačyŭ, što heta datyčycca, naprykład, tankaŭ. Mienavita na biełaruskich pradpryjemstvach stvarajucca sistemy kiravańnia ahniom dla takoj techniki, uklučajučy ciepłavizary. Akramia taho, pryceły dla ŭsich uzbrajeńniaŭ, jakija vyrablajucca ŭ Rasii, taksama pastaŭlajucca ź Biełarusi. Heta aznačaje, što Biełaruś zabiaśpiečvaje kamplektujučymi nie tolki tuju techniku, jakaja staić na ŭzbrajeńni rasijskaj armii, ale i ŭsiu pastaŭlajemuju techniku z RF.

Juryj Žadobin nahadaŭ, što mienavita na adnym z pradpryjemstvaŭ Barysava była asvojena madernizacyja kompleksu S-300. Madernizavanyja kompleksy ŭžo dakazali svaju efiektyŭnaść u chodzie niadaŭnich vučeńniaŭ na palihonie Ašułuk (Rasija). Taksama rasijskimi kalehami vysoka acenieny biełaruskija aŭtamatyzavanyja sistemy kiravańnia vojskami.

U Biełarusi aktyŭna viadziecca raspracoŭka i vyprabavańnie ŭžo hatovych uzoraŭ bieśpiłotnych avijakompleksaŭ. Bolš taho, u składzie Uzbrojenych Sił užo stvorana śpiecpadraździaleńnie, jakoje budzie vykarystoŭvać hetu techniku.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?