U sieradu supierniki BATE pa hrupavym turniry Lihi Jeŭropy praviali svaje hulni.
AZ (Ałkmaar) hulaŭ u 3-m raŭndzie Kubka Hałandyi z haściach suprać kamandy 2-ha dyvizijona «Den Bosch» i pieramoh 2:3. Dva miačy na rachunku Žonatasa (32, 52) i adzin miač zabiŭ Hudmundsan.
U subotu AZ u matčy čempijanata Hałandyi (heta budzie 7-y tur) zhulaje z «Utrechtam». Zaraz kłub z Ałkmaara zajmaje 14-ty radok (usiaho 18 kamandaŭ), majučy na rachunku 6 punktaŭ (adna pieramoha, try ničyi, dźvie parazy, roźnica miačoŭ 6–8).
Nahadajem, što z AZ BATE zhulaje 30 vieraśnia ŭ Minsku,
Kijeŭskaje «Dynama» u matčy 1/16 finału Kubka Ukrainy ledź-ledź vyjhrała ŭ haściach u «Krymciaplicy» (kłub pieršaj lihi) — 1:0. Na samaj apošniaj chvilinie sustrečy miač zabiŭ Jusuf.
Ciraspalski «Šeryf» u matčy čempijanatu Małdovy paciarpieŭ pieršuju parazu. 22 vieraśnia prydniastroŭskaja družyna prajhrała ŭ haściach kišynioŭskaj «Akademii» — 0:1.
U čempijanacie Małdovy (u vyšejšaj lizie tam hulaje 14 kamandaŭ) «Šeryf» paśla 8 turaŭ zajmaje 7-y radok (čatyry pieramohi, try ničyi, adna paraza, 10–2, 15). Praŭda, kamanda zhulała na pajadynak mieniej, čym supierniki. Ad lidera čempijanatu — «Iskry-Stal» (Rybnica) kłub, jaki ŭznačalvaje biełaruski śpiecyjalist Andrej Saśnicki adstaje na 6 bałaŭ.
26 vieraśnia doma «Šeryf» zhulaje z kamandaj «Śviaty Hieorhij» (Suručeny).
BATE, nahadajem, učora ŭ prapuščanym matčy 20-ha tura čempijanatu Biełarusi prajhrała doma minskamu «Dynama» - 1:3.
AH
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
