Hidon Kremier

Hidon Kremier

7 i 8 kastryčnika ŭ ramkach 5-ha Mižnarodnaha fiestyvalu Juryja Bašmieta ŭ Dziaržfiłarmonii (Niezaležnaści, 50) vystupić suśvietnaviadomy skrypač Hidon Kremier. Narodžany ŭ Ryzie ŭ 1944, Kremier ciapier hastraluju pa ŭsim śviecie sa svaim kalektyvam maładych vykanaŭcaŭ «Kremierata Bałtyka».

— Akramia taho, što jon adzin z samych hastralujučych i vysokatechničnych skrypačoŭ u śviecie, Kremier zajmajecca prasoŭvańniem sučasnych kampazitaraŭ, — kaža biełaruski pijanist i mastacki kiraŭnik fiestyvalu Raścisłaŭ Krymier, — Mienavita jon adkryŭ śvietu vykštałconyja tanha Pjacoły. U Minsku ž Kremier naładzić suśvietnuju premjeru tvoru Palavoj «Holfstrym» dla skrypki i vijałančeli.

Hidon Kremier — nie tolki vybitny skrypač, ale i aŭtar pračułych aŭtabijahrafičnych knih i navat vykanaŭcy dramatyčnych rolaŭ (hraje ŭ śpiektakli «Być Hidonam Kremierom»). U 2009 h. davaŭ u Lajpcyhu kancert u padtrymku ŭviazienienaha rasijskaha aliharcha Michaiła Chadarkoŭskaha.

7 kastryčnika Kremier vystupić ź inšym lehiendarnym muzykam Juryjam Bašmietam u supolnym kancercie «Zorki pakaleńniaŭ», a 8-ha kastryčnika Kremier padymicca na scenu sa svaim kamiernym ansamblem «Kremierata Bałtyka». Kvitki na vystup «Kremierata Bałtyka» i Hidona Kremiera kaštujuć ad 20 da 80 tys. Pačatak a 19.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?