Padkamisija ŭrada Rasii pa mytna-taryfnamu rehulavańniu vyrašyła časova admianić pošliny na ŭvoz bulby, kapusty i hrečki. Abnulenyja pošliny buduć dziejničać jak minimum šeść miesiacaŭ.

Rašeńnie było pryniata z ulikam źnižeńnia abjomaŭ vytvorčaści hetaj pradukcyi ŭ Rasii z-za zasuchi hetym letam. Straty častkova buduć papaŭniacca mienavita za košt impartu. Abnuleńnie pošlin pryviadzie da pavieličeńnia zamiežnych pastavak.

Z pačatku hoda hrečka, pavodle danych Rasstata, padaražeła pryblizna ŭ dva razy, kapusta — na 66 pracentaŭ. Bulba stała kaštavać bolš na 65 pracentaŭ. Zvyčajna ŭ žniŭni i vieraśni heta pradukcyja stanovicca tannaj u suviazi z novym uradžajem, adnak na hety raz źnižeńnia cen praktyčna nie adbyłosia.

U kaho mienavita Rasija budzie kuplać pradukty charčavańnia, dakładna pakul nieviadoma. Raniej paviedamlałasia, što dadatkovyja zapasy bulby jość, u pryvatnaści, u Biełarusi, a hrečki — u Kitai.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?