Biespracoŭny minčanin Siarhiej Ivanoŭ padaŭ zajavu ŭ CVK na rehistracyju svajoj inicyjatyŭnaj hrupy, paviedamiŭ sakratar Centrvybarkama Mikałaj Łazavik. U skład inicyjatyŭnaj hrupy Ivanova ŭvojdzie 129 čałaviek.

Raniej 38-hadovy Siarhiej Ivanoŭ paćvierdziŭ svaju hatoŭnaść vyłučacca kandydatam na pasadu prezidenta. Svoj udzieł u vybarach Ivanoŭ źviazvaje z tym, što siońniašniaja ŭłada na čale z Alaksandram Łukašenkam vykanała zadaču, pastaŭlenuju hramadzianami ŭ 1994 hodzie. "Ja liču, što akramia admoŭnych vynikaŭ jość i vielmi važnyja stanoŭčyja vyniki. Adnak sama sistema ŭłady siabie vyčarpała, i dalejšaje štučnaje jaje zachoŭvańnie viadzie da niepaźbiežnaha ekanamičnaha i hramadskaha kryzisu", — ličyć pretendent. Jon vystupaje za pierajemnaść ułady.

Siarhiej Ivanoŭ naradziŭsia 7 śniežnia 1971 hoda ŭ Minsku. Skončyŭ Tamboŭskaje vyšejšaje vajennaje avijacyjnaje inžyniernaje vučylišča pa śpiecyjalnaści "radyjotechnika" z prysvajeńniem kvalifikacyi radyjoinžyniera. Z 1994 pa 2004 hod prachodziŭ słužbu ŭ siłavych strukturach Biełarusi. Zvolniŭsia pa ŭłasnym žadańni. U 2004—2009 hadach pracavaŭ namieśnikam dyrektara ŭ kamiercyjnaj arhanizacyi. Biespartyjny. Žanaty.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?