Apošnim časam u stalicy ŭsio čaściej možna ŭbačyć miortvych hałuboŭ. Asabliva ŭ Savieckim rajonie.
Naprykład, na vulicy Smalačkova ledź nie štodnia źjaŭlajucca ŭsio novyja i novyja niežyvyja ptuški. Taksama ciaham minułaha miesiaca byli zaŭvažanyja miortvyja ptuški na vulicach Kazłova, zavułku Braniavym, vulicy Čyrvonazornaj.
Mahčyma, ptuški mruć ad chvaroby. Adnak tady ŭźnikaje pytańnie — ad jakoj? I ci nie pahražaje hetaja ž chvaroba inšym ptuškami i naohuł ludziam?
Z hetymi pytańniami «NN» źviarnułasia da śpiecyjalista HA «Achova ptušak Baćkaŭščyny» Siamiona Levaha.
— Chutčej za ŭsio — atruta. Nieviadoma, čym hałuby kormiacca. Mahčyma, ich niechta trucić — takoje ŭžo było kaliści: išła patrava hałuboŭ la Kamaroŭskaha rynku.
Varyjant z chvarobaj — małavierahodny, a što heta nie ptušyny hryp, heta ŭžo dakładna.
Učora nam zatelefanavała čytačka, jakaja źviazvała hibiel hałuboŭ z zahadam rajvykankamaŭ začynić usie dachi, pry tym nastolki ščylna, što ptuškam niama dzie žyć — ich raniejšaje žytło apynułasia «začynienym».
U haradskoj vieterynarnaj słužbie nam skazali, što
nadzvyčajnaha moru hałuboŭ nidzie nie zarehistravana. Pra infiekcyjnyja zachvorvańni, jakija mohuć pahražaćkamu-niebudź aproč hałuboŭ, taksama havaryć nie varta.
Siońnia zranku na vulicy Smalačkova lažaŭ tolki adzin miortvy hołub, a dvuch učorašnich paśpieli prybrać.
