Supracoŭnica adździaleńnia biełaruskaj ambasady ŭ Sankt-Pieciarburzie abvierhła źviestki pra toje, što ich dyplamatyčnaje pamiaškańnie nibyta zachapili anarchisty:

«Hłupstva heta ŭsio. Ničoha takoha nie było. U nas usio dobra».

Picierski sajt «Fontanka» sa spasyłkaj na lideraŭ miascovych anarchistaŭ paviedamiŭ, što «apoŭdni 29 vieraśnia hrupa aktyvistaŭ sankt-pieciarburhskich anarchistaŭ pryjšła ŭ adździaleńnie biełaruskaj ambasady i zapatrabavała vyzvalić biełaruskich tavaryšaŭ, aryštavanych za apošni miesiac».

Picierskija anarchisty nahadali, što chvala represij suprać anarchistaŭ i inšych sacyjalnych aktyvistaŭ u Biełarusi pačałasia paśla taho, jak 30 žniŭnia na terytoryju rasijskaj ambasady ŭ Miensku byŭ kinuty «kaktejl Mołatava». Adkaznaść za hety napad uziała na siabie raniej nieviadomaja anarchisckaja hrupa «Siabry Svabody».

Ahučyŭšy svaje patrabavańni, aktyvisty nibyta admovilisia pakinuć terytoryju ambasady i abviaścili pra jaje akupacyju, pakul ich patrabavańni nie buduć vykananyja. Adnak u samim adździaleńni ambasady heta abvierhli.

U pravaachoŭnych orhanach Centralnaha rajona Pieciarburha zaznačyli, što vyklikaŭ u budynak adździaleńnia ambasady, što na Bonč-Brujeviča, u ich nie było. U pravaachoŭnych orhanach Centralnaha rajona Pieciarburha zaznačyli, što vyklikaŭ u budynak adździaleńnia ambasady, što na Bonč-Brujeviča, u ich nie było.

***

Picierskija anarchisty, jakija sprabavali zachapić adździaleńnie ambasady Biełarusi ŭ Pieciarburzie, zatrymanyja i znachodziacca ŭ adździaleńni milicyi ŭ centry horada.

Jak paviedamili «Fantancy» sami ŭdzielniki akcyi, jany dastaŭlenyja ŭ 76 adździeł Centralnaha RUUS, i znachodziacca tam užo niekatory čas. Pa słovach aktyvistaŭ, ich akcyja praciahnułasia kala 30 chvilin. Jany patrabavali sustrečy z kiraŭnikom adździaleńnia ambasady, ale biezvynikova. Akcyju spynili supracoŭniki milicyi, jakija zatrymali pratestujučych.

Zaraz u adździele milicyi składajucca pratakoły ab administracyjnym pravaparušeńni.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?