studzieni-žniŭni ŭ Minsku treciaja častka złačynstvaŭ učyniena hramadzianami ŭ stanie ałkaholnaha apjanieńnia, paviedamiŭ na pres-kanfierencyi 29 vieraśnia namieśnik načalnika HUUS Minharvykankama Ihar Jaŭsiejeŭ.

Za studzień-žnivień zafiksavana 2.794 takich złačynstvaŭ z 6.448. Padletkami ŭčyniena 366 złačynstvaŭ, u tym liku 150 — u stanie ałkaholnaha apjanieńnia.

Jaŭsiejeŭ paviedamiŭ, što staličnaja milicyja taksama zajmajecca vyjaŭleńniem vyrabu i raspaŭsiudžvańnia falsifikavanych ałkaholnych napojaŭ. Pavodle jaho słoŭ, «hramadzianie taksama zajmajuć aktyŭnuju pazicyju i paviedamlajuć ab hetych faktach u milicyju». Za vosiem miesiacaŭ było pryniata 327 paviedamleńniaŭ, ź jakich 281 paćvierdziłasia. Na 1 vieraśnia kanfiskavana 58 tys. litraŭ samahonu i brahi i 24 tys. litraŭ falsifikavanych napojaŭ. Dla paraŭnańnia: za anałahičny letašni pieryjad — 13,4 tys. ł. Ad ałkaholnaha atručeńnia pamierła 199 čałaviek (u 2009 hodzie — 290).

Jaŭsiejeŭ taksama paviedamiŭ, što na 1 vieraśnia za raśpivańnie śpirtnych napojaŭ i znachodžańnie ŭ stanie ałkaholnaha apjanieńnia ŭ hramadskich miescach da administracyjnaj adkaznaści pryciahnuta 21.803 čałavieki, tracina ź ich — za raśpivańnie piva.

Za vosiem miesiacaŭ za kiravańnie transpartnymi srodkami ŭ stanie ałkaholnaha apjanieńnia pryciahnuta 4.964 vadzicieli, što «krychu bolš, čym za anałahičny pieryjad minułaha hoda».

Na prafuliku z dyjahnazam «ałkahalizm» znachodziacca 3.475 čałaviek, na dyspansierny ŭlik nakiravana 2.302 čałavieki, u ŁPU — 623 chraničnyja ałkaholiki, u tym liku 60 žančyn.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?