Respublikanski hidramieteacentr papiaredžvaje, što ŭ načnyja hadziny 30 vieraśnia i 1–2 kastryčnika pa paŭnočnaj pałovie krainy na hlebie i miescami ŭ pavietry čakajucca zamarazki ad 0 da minus 3 hradusaŭ. 3–5 kastryčnika načnyja zamarazki ad 0 da minus 5 hradusaŭ achopiać vialikuju častku terytoryi krainy.

Pavodle prahnozu sinoptykaŭ, 30 vieraśnia ŭ Biełarusi budzie vobłačna z prajaśnieńniami. Pieravažna pa paŭdniovaj pałovie respubliki daždžy. Viecier paŭnočna-ŭschodni 5–10 m/s. Tempieratura pavietra ŭnačy plus 1–7°S, pa poŭnačy na hlebie i miescami ŭ pavietry zamarazki ad 0 da minus 2°S, dniom plus 5–11°S.

Minsku 30 vieraśnia vobłačna z prajaśnieńniami. Časami nievialiki doždž. Viecier paŭnočna-ŭschodni 5–10 m/s. Tempieratura pavietra ŭnačy plus 3–5°S,

dniom plus 6–8°S.

U nastupnyja dvoje sutak, 1–2 kastryčnika, pa respublicy čakajecca pieramiennaja vobłačnaść.

1 kastryčnika ŭnačy pa paŭdniovaj pałovie, dniom u paŭdniovych rajonach Bresckaj i Homielskaj abłaściej miescami karotkačasovyja daždžy. Viecier paŭnočna-ŭschodni 5–10 m/s. Tempieratura pavietra ŭnačy ad 0 da plus 6°S, pa paŭnočnaj pałovie miescami zamarazki da minus 1–3°S;

dniom plus 7–12°S.

U Minsku 1 kastryčnika pieramiennaja vobłačnaść, biez apadkaŭ, tolki ŭnačy mahčymy karotkačasovy doždž. Viecier paŭnočna-ŭschodni 4–9 m/s. Tempieratura pavietra ŭnačy plus 1–3°S, u vakolicach horada zamarazki da minus 1–3°S; dniom plus 8–10°S.

2 kastryčnika pa krainie pieravažna biez apadkaŭ. Viecier paŭnočna-ŭschodni 4–9 m/s. Tempieratura pavietra ŭnačy ad 0 da plus 5°S, pa paŭnočnaj pałovie miescami zamarazki da minus 1–3°S, dniom plus 7–13°S.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?