Minskaja milicyja ŭstanaŭlivaje asobu złačyncy, jaki sprabavaŭ uskryć i paškodziŭ bankamat, ustalavany na vulicy Bačyły, 12 u mikrarajonie Šabany.

Jak paviedamili ŭ adździele infarmacyi i hramadskich suviaziaŭ HUUS Minharvykankama, zdareńnie adbyłosia nočču 25 žniŭnia. Paškodžany bankamat vyjavili supracoŭniki słužby biaśpieki, jany i paviedamili ab hetym u milicyju. Na miescy złačynstva znojdzieny damkrat, z dapamohaj jakoha nieviadomy sprabavaŭ uskryć bankamat. Sam aparat byŭ surjozna pakarabačany: pabityja manitor i paneli naboru, prysutničała istotnaja defarmacyja asobnych častak korpusa, adnak vykraści hrošy złačyncu nie ŭdałosia. Z dapamohaj videazapisnoj pryłady, umanciravanaj u bankamat, byli zafiksavanyja niekatoryja asablivaści źniešnaści złamyśnika, adnak ustanavić jaho asobu dahetul nie ŭdałosia.

Ciapier pa dadzienym fakcie śledčym adździełam papiaredniaha rasśledavańnia Zavodskaha RUUS rasśledujecca sprava pa č. 2 art. 218 KK (naŭmysnaje paškodžańnie majomaści, jakoje pryviało da pryčynieńnia škody ŭ bujnym pamiery).

Fatahrafii złačyncy, zroblenyja ź videazapisnoj pryłady, raźmieščany na sajcie HUUS Minharvykankama. Va ŭstanaŭleńni asoby złamyśnika milicyja raźličvaje na dapamohu hramadzian.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?