1 kastryčnika Alaksandr Łukašenka daść pres-kanfierencyju dla rasijskich žurnalistaŭ, paviedamiŭ BiełaPAN kiraŭnik pres-słužby prezidenta Pavieł Lohki.
Pavodle jaho słoŭ, zaraz u Minsku znachodzicca bolš za sotniu žurnalistaŭ z Rasii. «Jany pradstaŭlajuć vydańni kala 60 rasijskich rehijonaŭ, častka ź ich pradstaŭlaje fiederalnyja rasijskija ŚMI, jašče častka — ŚMI Sajuznaj dziaržavy Biełarusi i Rasii», — skazaŭ Lohki.
Pavodle infarmacyi kiraŭnika pres-słužby, žurnalisty prybyli ŭ Biełaruś 28 vieraśnia i ŭžo paśpieli naviedać avijabazu ŭ Mačuliščach, aznajomicca ź sielskahaspadarčym pradpryjemstvam u Minskaj vobłaści, naviedać histaryčnyja abjekty ŭ Niaśvižy. «Siońnia jany naviedvajuć bujnyja pramysłovyja pradpryjemstvy ŭ Minsku. Prahrama vizitu vielmi nasyčanaja», — adznačyŭ Lohki.
Jon paviedamiŭ, što heta samy masavy «desant» rasijskich žurnalistaŭ u Biełaruś. «Za vosiem hadoŭ historyi pres-turaŭ rasijskich žurnalistaŭ u našu krainu takoj kolkaści rasijskich pradstaŭnikoŭ ŚMI ŭ nas nie było. Było pa 70–80 čałaviek, ale nie 100. Heta śviedčyć ab vialikim intaresie rasijskich vydańniaŭ da našaj krainy», — skazaŭ Lohki.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
