Na Kafiedralnaj płoščy Vilni 29 vieraśnia prajšła akcyja pamiaci achviar atamnych katastrof. U joj uziało ŭdzieł kala dziesiaci čałaviek.

Prysutnyja ŭ pamiać paciarpiełych ad radyjacyi zapalili śviečki, vystaviŭšy ich u formie słova Radiacija.

Minakam razdavalisia ŭlotki, u jakich adznačałasia, što Litva ŭ najbližejšy čas moža apynucca ŭ «atamnym kalcy», kali AES buduć pabudavanyja ŭ Visahinasie (Litva), Astraŭcy (Biełaruś) i na terytoryi Kalininhradskaj vobłaści (Rasija). Akcyja, jakuju sumiesna ładzili biełaruskija i litoŭskija ekałahičnyja arhanizacyi, nakiravana suprać atamnych płanaŭ usich troch dziaržaŭ.

«Jak pakazvaje dośvied Čarnobyla, kali zdarycca avaryja, niavažna, dzie jana adbudziecca, paciarpieć moža lubaja kraina», — zaznačyŭ udzielnik akcyi Alaksiej Kryvałap ź Biełaruskaj partyi «Zialonyja».

Mierapryjemstva było pryśviečana adnačasova dźvium sumnym hadavinam: 29 vieraśnia 1957 hoda adbyłasia pieršaja ŭ historyi bujnaja radyjacyjnaja katastrofa na jadziernym kambinacie «Majak» u Čalabinskaj vobłaści Rasii, jakaja, niahledziačy na masavyja achviary, zastałasia małaviadomaja; 30 vieraśnia 1999 hoda adbyłasia avaryja na zavodzie dla vyrabu paliva dla AES u navukovym haradku Takajmura (Japonija).

«Vidavočna, što jadziernaja enierhietyka niebiaśpiečnaja, takija avaryi ŭžo nie raz byli i jašče buduć. Ale našy ŭłady nie chočuć raźvivać enierhiju sonca i vietru, im patrebny jadziernyja monstry», — adznačyŭ adzin z arhanizataraŭ akcyi, litoŭski aktyvist Darus Paciavičus.

Siońniašniaje mierapryjemstva, pavodle infarmacyi litoŭskich zialonych, — pieršaje z cykła akcyj u chodzie miesiačnika pratestu suprać atamnaj enierhietyki, što ŭ kastryčniku budzie prachodzić u Vilni.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?