U 2011 hodzie ŭ Biełarusi značna pavialičacca raschody na adukacyju, zajaviŭ pieršy namieśnik ministra adukacyi Alaksandr Žuk 29 vieraśnia na pasiadžeńni Hramadska-kansultatyŭnaj rady pry Administracyi prezidenta.

Pavodle jaho słoŭ, kali ŭ 2010 hodzie raschody pavinny skłaści 4,5% ad VUP, to ŭ 2011 hodzie — užo 5,5%, ci 11 trłn. rubloŭ. Dla paraŭnańnia Žuk pryvioŭ źviestki pa raschodach na adukacyju ŭ Rasii — 4,4% ad VUP, Hiermanii — 4,7%, Čechii — 4,6%.

Staršynia HKR, kiraŭnik Administracyi prezidenta Uładzimir Makiej padkreśliŭ, što ŭ Biełarusi adukacyja zastajecca adnym z pryjarytetaŭ dziaržaŭnaj palityki. «My starajemsia ŭ raźvićci adukacyi ruchacca ŭ napramku suśvietnych standartaŭ», — skazaŭ jon.

Havoračy ab pavieličeńni zarabotnaj płaty nastaŭnikaŭ, Makiej zajaviŭ, što dziaržava ŭ hetym pytańni zychodzić z najaŭnaj ekanamičnaj situacyi i realij siońniašniaha dnia.

Staršynia HKR padtrymaŭ inicyjatyvu jaho členaŭ ab stvareńni pry Ministerstvie adukacyi hramadskaj rady, dzie buduć abmiarkoŭvacca aktualnyja prablemy ŭ adukacyjnaj śfiery Biełarusi. Pry hetym Makiej adznačyŭ, što «dziaržavie pojdzie na karyść, kali ŭ składzie savieta buduć ludzi z roznymi pohladami».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?