29 vieraśnia ŭ staličnaj kniharni «Łohvinaŭ», što mieścicca ŭ niedziaržaŭnaj art-halarei «Ŭ», adbyłasia prezentacyja novaj knihi Valancina Akudoviča «Archipelah Biełaruś».

Pad vokładkaj čytač znojdzie dyjalohi, frahmenty hutarak, dyskusij dy palemikaŭ, u jakich aŭtar braŭ udzieł ciaham apošnich piatnaccaci hadoŭ. Značnaja častka ich prahučała na chvalach Radyjo Svaboda.

Teksty, što ŭvajšli ŭ hetuju knižku, uziatyja z hazetaŭ i časopisaŭ. Značnaja časta tekstaŭ uziataja z Radyjo Svaboda. Heta nia całkam teksty, interviju, hutarki dy dyjalohi, a vycinanki ź ich, zhrupavanyja pavodle pryncypu cełasnaści temy. I taki pryncyp prymusiŭ aŭtaraŭ padzialić knižku na 6 raździełaŭ, u jakich teksty pa biełaruskaj historyi, litaratury, filazofii. Adzin z samych cikavych raździełaŭ pryśviečany palitycy. Choć spadar Akudovič skazaŭ, što ŭsio toje, što nia vytrymała času, tak zvanaja štodzionnaja žurnalistyka ŭ knižku nie ŭvajšło. I z usiaho nahavoranaha i napisanaha im siudy ŭvajšło ŭsiaho adsotkaŭ 20. Akudovič pryznaŭsia, što palityku nia lubić: «Usie palityki — heta kurdupieli, jakich cudoŭnaja fieja padaje jak pryhažunoŭ». I hetaj temie pryśviečany nievialiki tekst, jaki tak i nazyvajecca — «Pastament dla kurdupiela».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?