Bilety na dziciačaje «Jeŭrabačańnie-2010», jakija hetymi dniami pačali realizoŭvacca ŭ piaci kasach «Minsk-Areny», a taksama praz elektronnuju sistemu Ticketpro, karystajucca pavyšanym popytam siarod pakupnikoŭ.

Pra heta paviedamili ŭ «Minsk-Arenie», dzie 20 listapada adbudziecca hrandyjoznaje šou z udziełam junych zoračak z 14 krain.

Tam rastłumačyli, što ŭ staličnych teatralna-vidoviščnych kasach bilety źjaviacca tolki ŭ tym vypadku, kali kasy «Minsk-Areny» nie buduć spraŭlacca sa svajoj rabotaj. Pakul ža ŭsio składvajecca jak maha lepš: žadajučych kupić jak elektronnyja, tak i papiarovyja zapavietnyja propuski stanovicca ŭsio bolš. Žychary rehijonaŭ Biełarusi mohuć nabyć bilety, padaŭšy kalektyŭnyja zajaŭki, jakija, jak adznačyli ŭ «Minsk-Arenie», absłuhoŭvajucca ŭ pieršuju čarhu.

Usiaho na dva kancerty — hienieralnuju repietycyju i finalnaje šou — płanujecca realizavać kala 30 tys. biletaŭ. Propusk na hienieralny prahon nie taki darahi, jak na padahulniajučy kancert: košt biletaŭ — Br45 tys., Br60 tys., Br75 tys., Br90 tys. u zaležnaści ad stupieni addalenaści ad sceny. Na finał konkursu možna trapić, zapłaciŭšy ŭ paŭtara raza bolš, — Br70 tys., Br100 tys., Br125 tys. i Br150 tys. Darečy, sam bilet, jak i abiacali arhanizatary, upryhožvaje fatahrafija adnoj z pradstaŭnic Biełarusi na dziciačym «Jeŭrabačańni» ź viasiołkavymi kryłami za plačyma.

Častka biletaŭ budzie pa ŭzhadnieńniu ź Minharvykankamam addadziena biaspłatna ŭ dziciačyja damy. Jarkija błanki z vyjavaj adnoj z pradstaŭnic Biełarusi na dziciačym «Jeŭrabačańni» abaronieny ad padrobak, mahčymaść źjaŭleńnia falšyvak praktyčna vyklučana, zapeŭnivajuć arhanizatary.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?