Siońnia, 30 vieraśnia, u Minsk pryjdzie jeŭrakubkaja futbolnaja vosień:

u matčy 2-ha tura Lihi Jeŭropy šaścirazovy čempijon Biełarusi barysaŭski BATE prymaje čempijona Hałandyi 2009 hoda kłub AZ (Alkmaar Zaanstreek) z Ałkmaara. U minułym siezonie ŭ čempijanacie Hałandyi kłub finišavaŭ 5-m

Matč projdzie na stadyjonie «Dynama», pačatak u 22:05. Cana biletaŭ 10 000, 20 000, 30 000 rubloŭ.

Źbirajučysia na stadyjon, treba ŭličvać chałodnaje nadvorje i doždž. Praŭda, takoje ž chałodnaje nadvorje było i hod tamu, kali BATE 30 vieraśnia prymaŭ u Minsku livierpulski «Eviertan».

Zrešty siońniašniuju hulniu pakaža ŭ žyvym efiry telekanał «Ład».

Pierad pačatkam matča i ŭ stanie BATE, i AZ zajavili, što kamandy buduć hulać na pieramohu.

«Nastroj samy bajavy. Budziem vychodzić na matč tolki z adnoj dumkaj — pieramahčy. Inšaje i ŭjavić nie mahu, choć sapiernik surjozny», — skazaŭ na pieradmatčavaj pres-kanfierencyi forvard BATE Vital Radzivonaŭ (cytata pavodle BiełaPANa).

Hałoŭny trenier haściej Hierćjan Fierbiejek zaznačyŭ, što kamanda pryjechała ŭ Minsk tolki z adnoj metaj — pieramahčy. «Składana skazać, jak projdzie hulnia i ź jakim vynikam jana zavieršycca. Ale naša fiłasofija zaklučajecca ŭ tym, kab pieramahać u kožnym matčy. Pry hetym my pavažajem usich supiernikaŭ. U tym liku i BATE» (cytata pavodle haziety Priessboł).

Nahadajem, što ŭ pieršym tury 17 vieraśnia AZ pieramoh u Akłmary małdoŭski «Šeryf» — 2:1, a BATE zhulaŭ uničyju ŭ Kijevie z «Dynama» — 2:2.

Toj matč supravadžaŭsia słoŭnymi pikiroŭkami miž pradstaŭnikami dźviuch kamandaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?